ഷെയ്ൻ നിഗത്തിന്റെ ‘വലിയ പെരുന്നാള്’; ഡിസംബർ 20ന്
Mail This Article
നവാഗതനായ ഡിമല് ഡെന്നിസ് തിരക്കഥയെഴുതി സംവിധാനം ചെയ്യുന്ന ‘വലിയ പെരുന്നാള്’ ക്രിസ്മസ് റിലീസിന്. ഷെയ്ന് നിഗം നായകനാകുന്ന ചിത്രത്തിന്റെ പോസ്റ്ററും റിലീസ് ഡേറ്റും അണിയറ പ്രവര്ത്തകര് പുറത്തു വിട്ടു. ഡിസംബര് ഇരുപതിനാണ് ചിത്രം തിയറ്ററുകളിലെത്തുക. ഷെയ്നിനെ കൂടാതെ വിനായകന്, സൗബിന് ഷാഹിര്, ജോജു ജോര്ജ്, അലന്സിയര് തുടങ്ങിയവരും ചിത്രത്തില് പ്രധാന വേഷങ്ങളിലെത്തും.
ഡിമലിനൊപ്പം തസ്രീഖ് അബ്ദുൾ സലാമും ചേർന്നാണ് തിരക്കഥ രചിച്ചിരിക്കുന്നത്. നേരത്തെ ഈദിന് ചിത്രം റിലീസ് ചെയ്യുമെന്ന് പ്രഖ്യാപിച്ചിരുന്നെങ്കിലും സാങ്കേതിക കാരണങ്ങളാല് തിയതി മാറ്റുകയായിരുന്നു. കുമ്പളങ്ങി നൈറ്റ്സിന് ശേഷം സൗബിന് ഷാഹിറും ഷെയ്ന് നിഗവും ഒന്നിക്കുന്ന സിനിമ കൂടിയാണ് വലിയ പെരുന്നാള്. അന്വര് റഷീദ്, ഷുഹൈബ്, മോനിഷ രാജീവ് എന്നിവര് ചേര്ന്നാണ് ചിത്രം നിര്മിക്കുന്നത്. സംഗീത സംവിധായകൻ റെക്സ് വിജയൻ ആണ് ചിത്രത്തിന് വേണ്ടി മറ്റ് ഗാനങ്ങളൊരുക്കിയിരിക്കുന്നത്.