സാരിയില് തിളങ്ങി എസ്തെർ അനിൽ; ചിത്രങ്ങൾ
Mail This Article
ദൃശ്യത്തിലെ കുറുമ്പുകാരി അനുമോളെ അറിയില്ലെ? മലയാളികളുടെ പ്രിയപ്പെട്ട താരം എസ്തെർ അനിലിനെ കുറിച്ചാണ് പറഞ്ഞു വരുന്നത്. ബാലതാരമായി കടന്നു വന്ന് മലയാളികളുടെ മനസിൽ കൂടു കൂട്ടിയ എസ്തെർ ഇപ്പോള് നായികയായി തിളങ്ങുകയാണ്.
സാരിയിൽ സുന്ദരിയായി നിൽക്കുന്ന എസ്തെറിന്റെ ഒരുപിടി ചിത്രങ്ങൾ സോഷ്യൽ മീഡിയയിൽ വൈറലാകുന്നു.
പുത്തൻ മേക്ക് ഓവറിൽ എത്തിയ താരത്തിന്റെ ചിത്രങ്ങൾ ആരാധകർ ഇതിനോടകം തന്നെ പ്രേക്ഷകർ ഏറ്റെടുത്തു കഴിഞ്ഞു.
ഷെയ്ൻ നിഗത്തെ നായകനാക്കി ഷാജി എൻ. കരുൺ ഒരുക്കിയ ഓള് എന്ന സിനിമയിൽ എസ്തെർ നായികയായി എത്തിയിരുന്നു.
തമിഴിലും നായികയാകാൻ ഒരുങ്ങുകയാണ് നടി. മിന്മിനി എന്നാണ് സിനിമയുടെ പേര്. ജോഹർ എന്നൊരു തെലുങ്ക് ചിത്രത്തിലും നായികാവേഷത്തിലാണ് എസ്തെർ അഭിനയിക്കുന്നത്.
മഞ്ജു വാരിയരും കാളിദാസും ഒന്നിക്കുന്ന സന്തോഷ് ശിവൻ ചിത്രം ജാക്ക് ആൻഡ് ജിൽ ആണ് നടിയുടെ പുതിയ പ്രോജ്ക്ട്. ചിത്രത്തിൽ വില്ലൻ കഥാപാത്രത്തിന്റെ മകളുടെ വേഷത്തിലാകും എസ്തെർ എത്തുക.