‘വസ്ത്രം കൊണ്ട് തിരിച്ചറിയട്ടെ’; പ്രതിഷേധവുമായി അനശ്വര രാജൻ
Mail This Article
രാജ്യത്ത് പൗരത്വ നിയമ ഭേദഗതിക്കെതിരെ നടക്കുന്ന പ്രതിഷേധങ്ങളെ പിന്തുണച്ച് നടി അനശ്വര രാജന്. ‘വസ്ത്രം കൊണ്ട് തിരിച്ചറിയട്ടെ’, ‘പൗരത്വ നിയമ ഭേദഗതി പിന്വലിക്കുക’ എന്നുമാണ് അനശ്വര രാജന് ഇന്സ്റ്റാഗ്രാമില് കുറിച്ചത്. എവിടെ, ഉദാഹരണം സുജാത, തണ്ണീര്മത്തന് ദിനങ്ങള്, ആദ്യരാത്രി എന്നീ സിനിമകളിലൂടെ ശ്രദ്ധേയയാണ് അനശ്വര രാജന്.
അതേ സമയം പൗരത്വ ഭേദഗതി നിയമത്തെ വിമര്ശിച്ച് നിരവധി മലയാള ചലച്ചിത്ര താരങ്ങളാണ് ഇതിനോടകം രംഗത്തുവന്നിരിക്കുന്നത്. സിനിമാ താരങ്ങളായ പാര്വതി തിരുവോത്ത്, ഇന്ദ്രജിത്ത് സുകുമാരന്, ലിജോ ജോസ് പല്ലിശേരി, പൃഥ്വിരാജ് സുകുമാരന്, ഗീതു മോഹന്ദാസ്, കുഞ്ചാക്കോ ബോബന്, ആഷിഖ് അബു, ടോവിനോ തോമസ്, റിമാ കല്ലിങ്കല്, ഷെയ്ന് നിഗം, ആന്റണി വര്ഗീസ്, ഷൈന് ടോം ചാക്കോ, രജീഷ വിജയന്, അനൂപ് മേനോന്, സുരാജ് വെഞ്ഞാറമൂട്, ബിനീഷ് ബാസ്റ്റിന് തുടങ്ങിയ താരങ്ങളെല്ലാം ഒറ്റക്കെട്ടായി പൊലീസിന്റെ നരനായാട്ടിനെ എതിര്ക്കുകയും ജാമിയ വിദ്യാര്ഥികളുടെ സമരത്തെ പിന്തുണക്കുകയും ചെയ്ത് രംഗത്തുവന്നു.
ഇന്ദ്രജിത്ത്, കുഞ്ചാക്കോ ബോബന്, സണ്ണി വെയ്ന്, അമല പോള് എന്നിവര് സമരപോരാളി ആയിഷ പൊലീസിന് നേരെ വിരല് ചൂണ്ടി നില്ക്കുന്ന ചിത്രം പങ്കുവച്ചാണ് ഐക്യദാര്ഢ്യം അറിയിച്ചത്. ആ ചൂണ്ടിനില്ക്കുന്ന വിരല് മതി ഈ രാജ്യത്തെ മുഴുവന് കുട്ടികളും ഭരണഘടനക്കായി ഒരുമിക്കാന് എന്ന് കുഞ്ചാക്കോ ബോബന് കുറിച്ചു.