ഞങ്ങളുടെ കുഞ്ഞിപ്പെണ്ണ്: പേരും ചിത്രവും പുറത്തുവിട്ട് വിനീത് ശ്രീനിവാസൻ

കുഞ്ഞുകൺമണിയുടെ ചിത്രവും പേരും ആദ്യമായി പുറത്തുവിട്ട് നടനും സംവിധായകനും ഗായകനുമായ വിനീത് ശ്രീനിവാസൻ. ഭാര്യ ദിവ്യ മകളെ എടുത്തുനിൽക്കുന്ന ചിത്രമാണ് വിനീത് സോഷ്യല്‍ മീഡിയയില്‍ പങ്കുവെച്ചിരിക്കുന്നത്.

''ഇതാണ് ഷനായാ ദിവ്യ വിനീത്. ഞങ്ങളുടെ കുഞ്ഞിപ്പെണ്ണ്''- എന്ന അടിക്കുറിപ്പോടെയാണ് വിനീത് ചിത്രം പങ്കുവെച്ചത്.

ആദ്യകുഞ്ഞിന് വിഹാൻ ദിവ്യ വിനീത് എന്നാണ് പേര്. വിഹാന്റെ ചിത്രങ്ങൾക്ക് ആരാധകർ ഏറെയാണ്. ഭാര്യക്കും വിഹാനുമൊപ്പമുള്ള ചിത്രങ്ങൾ വിനീത് പലപ്പോഴും പങ്കുവയ്ക്കാറുണ്ട്.