നിർമാണം ദിലീപ്; സംവിധാനം സഹോദരൻ അനൂപ്
Mail This Article
നടന്‍ ദിലീപിന്റെ സഹോദരന്‍ അനൂപ് സംവിധാനം ചെയ്യുന്ന ചിത്രത്തിന് "തട്ടാശ്ശേരി കൂട്ടം" എന്നു പേരിട്ടു. ഗ്രാൻഡ് പ്രൊഡക്‌ഷന്‍സിന്റെ ബാനറില്‍ ദിലീപ് നിര്‍മ്മിക്കുന്ന ഈ ചിത്രത്തില്‍ അർജുൻ അശോകൻ കേന്ദ്ര കഥാപാത്രത്തെ അവതരിപ്പിക്കുന്നു.
ഗണപതി, അനീഷ് , അല്ലു അപ്പു, സിദ്ധിഖ്, വിജയരാഘവൻ, കോട്ടയം പ്രദീപ്, പ്രിയംവദ, ശ്രീലക്ഷമി ,ഷൈനി സാറ, തുടങ്ങിയ പ്രമുഖ താരങ്ങള്‍ക്കൊപ്പം പുതുമുഖങ്ങളും ഈ ചിത്രത്തില്‍ അഭിനയിക്കുന്നു. സന്തോഷ് ഏച്ചിക്കാനം തിരക്കഥ, സംഭാഷണമെഴുതുന്നു.
ജിതിൻ സ്റ്റാൻസിലോവ്സ് ഛായാഗ്രഹണം നിര്‍വ്വഹിക്കുന്നു.രാജീവ് നായര്‍,സഖി എല്‍സ എന്നിവരുടെ വരികള്‍ക്ക് ശരത്ത് ചന്ദ്രന്‍ സംഗീതം പകരുന്നു. എഡിറ്റിങ് -സാജൻ. എക്സിക്യുട്ടീവ് പ്രൊഡ്യൂസർ :- റോഷൻ ചിറ്റൂർ,പ്രൊഡക്‌ഷൻ കൺട്രോളർ-ഷാഫി ചെമ്മാട്,ചീഫ് അസോസിയേറ്റ്- സുധീഷ്,കല-അജി കുറ്റ്യാണി. മേക്കപ്പ്-റഷീദ് അഹമ്മദ്‌, വസ്ത്രാലങ്കാരം-സഖി എൽസ,വാര്‍ത്ത പ്രചരണം-എ.എസ്. ദിനേശ്.
ചിത്രത്തിന്റെ പൂജ കഴിഞ്ഞ ജൂലൈയില്‍ എറണാകുളം അഞ്ചുമന ക്ഷേത്രത്തില്‍ നടന്നിരുന്നു. അനൂപിനൊപ്പം ദിലീപും മീനാക്ഷിയും പൂജയ്ക്ക് എത്തിയിരുന്നു. ഗ്രാൻഡ് പ്രൊഡക്ഷൻസിന്റെ ബാനറിൽ ദിലീപ് നിർമിക്കുന്ന ഒൻപതാമത്തെ ചിത്രം ആണിത്. കട്ടപ്പനയിലെ ഋത്വിക് റോഷനാണ് ദിലീപ് അവസാനം നിര്‍മിച്ചത്.
