ഇത് സ്പെഷൽ; ഇസഹാക്ക് ചാക്കോച്ചന്റെ ആദ്യ സിനിമാകാഴ്ച
Mail This Article
വർഷങ്ങളുടെ കാത്തിരിപ്പിനൊടുവിലാണ് മലയാള സിനിമയുടെ പ്രിയതാരം കുഞ്ചാക്കോ ബോബനും ഭാര്യ പ്രിയയ്ക്കും ആദ്യത്തെ കൺമണിയായി ഇസ എന്ന ഇസഹാക്ക് ജനിച്ചത്. ഇപ്പോൾ ഇസഹാക്കിനൊപ്പമാണ് ചാക്കോച്ചന്റെയും പ്രിയയുടെയും ലോകം. മകൻ ജനിച്ച ശേഷമുള്ള ഓരോ നിമിഷവും ഇരുവരും ആസ്വദിക്കുകയാണ്.
ഇപ്പോഴിതാ, ഇസക്കുട്ടൻ ആദ്യമായി തിയറ്റിലെത്തിയതിന്റെ വിശേഷമാണ് സോഷ്യൽ മീഡിയയിൽ വൈറൽ. ചാക്കോച്ചന്റെ പുതിയ റിലീസായ ‘അഞ്ചാംപാതിര’ കാണാനാണ് ഇന്നലെ കൊച്ചി പി.വി.ആർ–ൽ ഇസ എത്തിയത്. ഇസയുടെ ക്യൂട്ട് ചിത്രം ഉൾപ്പടെ നടി ഉണ്ണിമായ ആണ് ഇൻസ്റ്റഗ്രാമിലൂടെ ഈ വിശേഷം പ്രേക്ഷകരുമായി പങ്കുവച്ചത്. കാതറിന് എന്ന കഥാപാത്രമായി ഉണ്ണിമായയും ചിത്രത്തിലെത്തുന്നുണ്ട്.
”അഞ്ചാം പാതിരയെ സംബന്ധിച്ചിടത്തോളം ഇത് വളരെ സ്പെഷലാണ്. എന്റെ ഇസുക്കുട്ടന് ആദ്യമായി സിനിമ കാണാന് അപ്പായിക്കൊപ്പം തിയേറ്ററില് വന്നിട്ടുണ്ട്”.-ചിത്രത്തോടൊപ്പമുള്ള കുറിപ്പിൽ ഉണ്ണിമായ പറയുന്നു.