നൂറിൻ ഷെരീഫിന്റെ ആദ്യ തെലുങ്ക് ചിത്രം; ട്രെയിലർ

അ‍‍ഡാറ് ലൗവിലൂടെ ശ്രദ്ധേയായ നൂറിൻ ഷെരീഫിന്റെ ആദ്യ തെലുങ്ക് ചിത്രത്തിന്‍റെ ട്രെയിലർ റിലീസ് ചെയ്തു. കരാട്ടെ നൂറി എന്ന കഥാപാത്രമായാണ് ചിത്രത്തിൽ താരം എത്തുന്നത്. 'ഊലാല ഊലാല' എന്ന് പേരിട്ടിരിക്കുന്ന ഈ ചിത്രത്തിന്‍റെ ട്രെയിലർ ഇതിനകം ഏറെ വൈറലായി കഴിഞ്ഞിട്ടുണ്ട്. ജനുവരി ആദ്യവാരം റിലീസ് ചെയ്തിരിക്കുന്ന ചിത്രത്തിന് സമ്മിശ്ര പ്രതികരണമാണ് ലഭിച്ചുകൊണ്ടിരിക്കുന്നത്.

ചിത്രം സംവിധാനം ചെയ്തിരിക്കുന്നത് സത്യപ്രകാശ് ആണ്. നടരാജ്, അങ്കിത മഹാറാണ തുടങ്ങിയവരാണ് ചിത്രത്തിലെ മറ്റ് പ്രധാന കഥാപാത്രങ്ങള്‍. അങ്കിതയുടെ ഗ്ലാമർ പ്രദര്‍ശനവും ചിത്രത്തിലുണ്ട്. ജോയ് റയലാറാ സംഗീതം ഒരുക്കിയിരിക്കുന്ന ഈ ചിത്രം നിർമിച്ചിരിക്കുന്നത് അട്ടാരി ഗുരുരാജ് ആണ്.