sections
MORE

‌‌രൗദ്രം രണം രുദിരം; രാജമൗലിയുടെ പുതിയ ചിത്രം; മോഷൻ പോസ്റ്റർ

roudram-ranam-rudhiram
SHARE

ബാഹുബലിക്ക് ശേഷം രാജമൗലി ഒരുക്കുന്ന ബ്രഹ്മാണ്ഡ ചിത്രത്തിന്റെ മോഷൻ പോസ്റ്റർ റിലീസ് ചെയ്തു. രൗദ്രം രണം രുദിരം( ആര്‍ആര്‍ആര്‍) എന്നാണ് ചിത്രത്തിന്റെ പേര്. 300 കോടി ബജറ്റില്‍ ഒരുങ്ങുന്ന ചിത്രത്തില്‍ ജൂനിയര്‍ എൻ.ടി.ആര്‍., രാംചരണ്‍ എന്നിവർ പ്രധാന വേഷങ്ങളിൽ എത്തുന്നു.

1920കളിലെ അല്ലൂരി സീതാരാമ രാജു (രാം ചരൺ), കോമരം ഭീം (ജൂനിയര്‍ എൻ.ടി.ആർ.) എന്നീ സ്വാതന്ത്യസമരസേനാനികളുടെ കഥയാണ് ചിത്രം പറയുന്നത്. ആലിയ ഭട്ട്, അജയ് ദേവ്ഗൺ എന്നിവരും ചിത്രത്തിൽ പ്രധാന കഥാപാത്രങ്ങളാകുന്നു. സ്വാതന്ത്ര്യത്തിന് മുമ്പ് തെലങ്കാനയിലെ ആദിവാസി പോരാട്ടങ്ങള്‍ക്ക് നേതൃത്വം കൊടുത്തവരാണ് കൊമരം ഭീം, അല്ലുരി സീതാരാമ രാജു എന്നിവർ.

ബാഹുബലിയുടെ പിന്നിൽ പ്രവർത്തിച്ചവർ തന്നെയാണ് ഈ സിനിമയുടെ പിന്നിലും. ഛായാഗ്രഹണം കെ.കെ. സെന്തിൽകുമാർ, പ്രൊഡക്‌ഷൻ ഡിസൈനർ സാബു സിറിൽ, കഥ വി. വിജയേന്ദ്ര പ്രസാദ്, സംഗീതം കീരവാണി, വിഎഫ്എക്സ് വി. ശ്രീനിവാസ് മോഹൻ, എഡിറ്റിങ് ശ്രീകർ പ്രസാദ്, കോസ്റ്റ്യൂം രാമ രാജമൗലി.

ചിത്രത്തെക്കുറിച്ച് രാജമൗലിയുടെ വാക്കുകൾ: നൂറുശതമാനവും ഇതൊരു സാങ്കല്‍പിക കഥയാണ്. എന്നാൽ രണ്ട് യഥാർഥ പോരാളികളാണ് പ്രധാനകഥാപാത്രങ്ങൾ. സ്വാതന്ത്ര്യത്തിന് മുമ്പ് തെലങ്കാനയിലെ ആദിവാസി പോരാട്ടങ്ങള്‍ക്ക് നേതൃത്വം കൊടുത്ത കൊമരം ഭീം, അല്ലുരി സീതാരാമ രാജു എന്നിവരുടെ കഥയാണ് പറയുക. ‘കൊമരം ഭീം, അല്ലുരി സീതാരാമ രാജു എന്നിവരുടെ കഥകള്‍ സാമ്യമുള്ളവയാണ്. രണ്ട് പേരും പരസ്പരം കണ്ടിട്ടില്ല. അവര്‍ തമ്മില്‍ കണ്ടിരുന്നുവെങ്കില്‍ എന്താകുമായിരുന്നു, അവര്‍ തമ്മില്‍ പരസ്പരം അറിയുമായിരുന്നുവെങ്കിലെന്താകുമായിരുന്നു. ഇതാണ് ആര്‍ആര്‍ആര്‍ പറയുന്നത്. ചിത്രം പൂര്‍ണമായും സാങ്കല്‍പികമാണ്.’

‘വലിയ സ്കെയ്‌ലിൽ ആണ് ചിത്രം ഒരുങ്ങുന്നത്. ഒരുകാര്യവും ചെറുതായി ചെയ്യാൻ ഇഷ്ടമല്ലാത്തൊരു ആളാണ് ഞാൻ. എന്തെങ്കിലും ചെയ്യാൻ ഒരുങ്ങുന്നെങ്കിൽ വലിയ രീതിയില്‍ ചെയ്യണം. ഈ സിനിമയും അങ്ങനെ തന്നെ.സിനിമയ്ക്കു മുമ്പ് ഒരുപാട് റിസർച്ച് നടന്നു. ആ കാലഘട്ടത്തിലെ ജീവിതരീതി, സാഹചര്യം എല്ലാം. അതിനുശേഷമാണ് സിനിമയിലേയ്ക്കു കടന്നത്. ഈ കഥയ്ക്ക് ശക്തമായ സഹതാരങ്ങളെ ആവശ്യമായിരുന്നു.’

‘അജയ് ദേവ്ഗൺ ശക്തമായ കഥാപാത്രത്തെ അവതരിപ്പിക്കുന്നു. ഫ്ലാഷ്ബാക്കിലാണ് അജയ് ദേവ്‍ഗണിന്റെ കഥാപാത്രത്തെ അവതരിപ്പിക്കുന്നത്. രാം ചരണിന്റെ നായികയായി ആലിയ ഭട്ട് വരുന്നു. വിമാനത്താവളത്തിൽവച്ച് ആകസ്മികമായി കാണുമ്പോഴാണ് ആലിയയോട് ചിത്രത്തെക്കുറിച്ച് പറയുന്നത്. അപ്പോൾ തന്നെ അവർ സമ്മതം മൂളുകയായിരുന്നു. ബ്രിട്ടീഷ് നടി ഡെയ്‌സി എഡ്ജര്‍ ജോണ്‍സും ഒരു സുപ്രധാന കഥാപാത്രത്തെ അവതരിപ്പിക്കുന്നുണ്ട്. തമിഴ് നടന്‍ സമുദ്രക്കനിയും ചിത്രത്തിലെത്തും.’

തൽസമയ വാർത്തകൾക്ക് മലയാള മനോരമ മൊബൈൽ ആപ് ഡൗൺലോഡ് ചെയ്യൂ
MORE IN MOVIE NEWS
SHOW MORE
FROM ONMANORAMA