ജോർജിന് പിറന്നാൾ ആശംസകളുമായി മമ്മൂട്ടിയും ദുൽഖറും

തന്റെ സന്തതസഹചാരിയും മേക്കപ്പ്മാനുമായ ജോർജിന് പിറന്നാൾ ആശംസകളുമായി മമ്മൂട്ടിയും മകൻ ദുൽഖർ സൽമാനും. ജോർജിനൊപ്പം നിൽക്കുന്ന ചിത്രവും പിറന്നാൾ കേക്കിന്റെ ചിത്രവും പങ്കു വച്ചാണ് മെഗാസ്റ്റാർ പിറന്നാൾ ആശംസകൾ അറിയിച്ചത്. 

നിർമാതാവ് ആന്റോ ജോസഫ്, പ്രൊഡക്ഷൻ‌ കൺട്രോളർ ബാദുഷ, ദുൽക്കർ, ജോർജ് എന്നിവർക്കൊപ്പം നിൽക്കുന്ന ചിത്രമാണ് മമ്മൂട്ടി പങ്കു വച്ചത്. താടി വളർത്തിയ ‘ലോക്ഡൗൺ’ ലുക്കിലാണ് താരം ചിത്രത്തിൽ പ്രത്യക്ഷപ്പെടുന്നത്. 

മേക്കപ്പ്മാനായ മമ്മൂട്ടിക്കൊപ്പം സിനിമയിൽ പ്രവർത്തനം ആരംഭിച്ച ജോർജ് കോട്ടയം സ്വദേശിയാണ്. നിർമാതാവ് കൂടിയായ അദ്ദേഹം 30 വർഷമായി മലയാള സിനിമയിലെ സജീവ സാന്നിധ്യമാണ്.