പുതിയ ഫോട്ടോഷൂട്ടുമായി നന്ദന വർമ: ചിത്രങ്ങൾ വൈറൽ

ഗപ്പി സിനിമയിൽ ആമിനയായി എത്തി മലയാളിപ്രേക്ഷകരുടെ പ്രിയതാരമായി മാറിയ നന്ദന വർമയുടെ പുതിയ ഫോട്ടോഷൂട്ട് ചിത്രങ്ങൾ വൈറലാകുന്നു. വ്യത്യസ്തമായ ലുക്കിൽ അതേ സമയം വളരെ ലളിതമായ വസ്ത്രധാരണത്തിൽ ഫോട്ടോഷൂട്ടിൽ പ്രത്യക്ഷപ്പെട്ട നടിയുടെ ചിത്രങ്ങൾ ആരാധകർ ഏറ്റെടുത്തു കഴിഞ്ഞു. 

പൗർണമി മുകേഷാണ് താരത്തിന്റെ ചിത്രങ്ങൾക്കു പിന്നിൽ. പുതിയ ചിത്രങ്ങളിൽ താരം അതീവ സുന്ദരിയായിരിക്കുന്നുവെന്നാണ് കമന്റുകളും സൂചിപ്പിക്കുന്നത്. ‌ബാലതാരമായി സിനിമയിൽ എത്തിയ നന്ദന ശ്രദ്ധേയമായ ഒരുപാട് സിനിമകളിൽ വേഷങ്ങൾ കൈകാര്യം ചെയ്തിട്ടുണ്ട്. അടുത്തിടെ ഇറങ്ങിയ സൂപ്പർഹിറ്റ് ചിത്രമായ അഞ്ചാം പാതിരയിലും താരം ഒരു പ്രധാന വേഷത്തിൽ എത്തിയിരുന്നു. സൺഡേ ഹോളിഡേ, ആകാശമിഠായി എന്നിവയാണ് മറ്റുസിനിമകൾ.