തിയറ്ററിൽ വീണു പോയിട്ടും ടെലിവിഷനിലൂടെ ഉയിർത്തെണീറ്റ് തരംഗമാവുക! ആ അപൂർവനേട്ടം സ്വന്തമാക്കിയ ആദ്യ മലയാള പടങ്ങളിലൊന്നാണ് കമൽ സംവിധാനം ചെയ്ത ‘അഴകിയ രാവണൻ’. മലയാള സിനിമയ്ക്ക് ഒട്ടേറെ പുതുമകൾ സമ്മാനിച്ച അഴകിയ രാവണന് 25 വയസ്സു തികയുകയാണ്. 1996 ഫെബ്രുവരി ഒൻപതിനായിരുന്നു റിലീസ്. അഴകിയ രാവണനിലെ അനുരാധയെ ‘മറവത്തൂർ കനവി’ലെ ചാണ്ടിക്കുഞ്ഞ് പ്രണയിച്ചാൽ എങ്ങനെയിരിക്കും? സത്യത്തിൽ അതായിരുന്നു അഴകിയ രാവണന്റെ ആദ്യത്തെ കഥ.
