ദൃശ്യം 2 കന്നഡയിലും റീമേക്ക്; ചിത്രീകരണം ഈ മാസം

മോഹൻലാൽ–ജീത്തു ജോസഫ് ടീമിന്റെ സൂപ്പർഹിറ്റ് ചിത്രം ദൃശ്യം 2 കന്നഡ റീമേക്ക് ഒരുങ്ങുന്നു. രവിചന്ദ്രൻ നായകനാകുന്ന ചിത്രം സംവിധാനം ചെയ്യുന്നത് പി. വാസുവാണ്. ദൃശ്യ 2 എന്നാണ് സിനിമയുടെ പേര്. ഇ ഫോർ എന്റർടെയ്ൻമെന്റ്സ് ആണ് നിർമാണം. സിനിമയുടെ ചിത്രീകരണം ഈ മാസം ആരംഭിക്കും.

ദൃശ്യ ആദ്യ ഭാഗത്തിലെ അതേ ആളുകൾ തന്നെയാകും രണ്ടാം ഭാഗത്തിലും അണിനിരക്കുക. നവ്യ നായരാണ് ചിത്രത്തിൽ മീനയുടെ കഥാപാത്രത്തെ അവതരിപ്പിക്കുന്നത്. ആശ ശരത് അതേ വേഷത്തിൽ തന്നെ എത്തുമ്പോൾ സിദ്ദീഖ് അവതരിപ്പിച്ച പ്രഭാകറിനെ പ്രഭു അവതരിപ്പിക്കുന്നു. മുരളി ഗോപിയുടെ കഥാപാത്രം ആരാണ് ചെയ്യുന്നതെന്ന് വെളിപ്പെടുത്തിയിട്ടില്ല.