ആ കുട്ടി ശ്വാസം വിട്ടോട്ടെ: ആര്യൻ ഖാന് പിന്തുണയുമായി സുനിൽ ഷെട്ടി
Mail This Article
ലഹരിമരുന്ന് കേസില് അറസ്റ്റിലായ, ബോളിവുഡ് താരം ഷാറുഖ് ഖാന്റെ മകന് ആര്യന് ഖാന് പിന്തുണയുമായി സുനില് ഷെട്ടി. ബോളിവുഡിൽ എന്ത് സംഭവിച്ചാലും മാധ്യമങ്ങൾ അതിന് പിന്നാലെ കൂടും. യഥാർഥ വിവരങ്ങൾ പുറത്തുവരുന്നത് വരെ നിശബ്ദരായി ഇരിക്കണമെന്ന് സുനിൽ ഷെട്ടി ആവശ്യപ്പെട്ടു.
‘റെയ്ഡ് ഉണ്ടാകുന്ന സമയത്ത് നിരവധി പേര് അറസ്റ്റിലാകുന്നതൊക്കെ സ്വഭാവിക കാര്യമാണ്. അവന് (ആര്യൻ ഖാൻ) ലഹരിമരുന്ന് ഉപയോഗിച്ചുവെന്നത് നമ്മുടെ അനുമാനങ്ങള് മാത്രമാണ്. കേസ് നടപടികൾ പുരോഗമിക്കുകയാണ്. ഇപ്പോൾ ശ്വാസം വിടാനുള്ള അവസരമെങ്കിലും ആ കുട്ടിക്ക് കൊടുക്കണം.’–സുനിൽ ഷെട്ടി വ്യക്തമാക്കി.
‘സിനിമാ മേഖലയില് എന്തെങ്കിലും സംഭവിച്ചാല് മീഡിയ അതിന് പിന്നാലെ കൂടും. പലതരത്തിലുള്ള അനുമാനങ്ങള് ഉണ്ടാവും. സത്യസന്ധമായ അന്വേഷണ റിപ്പോര്ട്ട് വരട്ടെ. അതിന് മുന്പ് അവനെ ചേര്ത്തുപിടിക്കേണ്ടത് നമ്മുടെ കര്ത്തവ്യമാണ്’ സുനില് ഷെട്ടി പറഞ്ഞു.