‘വിളിച്ചാലും ഫോൺ എടുക്കില്ല ഈ മനുഷ്യൻ’: ടിവി ഷോയില്‍ ജയ ബച്ചൻ; വിഡിയോ

jaya-bachchan
SHARE

ബോളിവുഡ് താരം അമിതാഭ് ബച്ചൻ അവതരിപ്പിക്കുന്ന ടിവി ക്വിസ് ഷോ ‘കോൻ ബനേഗാ ക്രോർപതി’ ആയിരം എപ്പിസോഡുകൾ പൂർത്തിയാക്കുന്നു. ഈ സ്പെഷൽ എപ്പിസോഡിൽ ബച്ചന്റെ മകൾ ശ്വേത ബച്ചനും ചെറുമകൾ നവ്യ നവേലിയെയും അതിഥികളായി എത്തും. എപ്പിസോഡിന്റെ പ്രൊമോ പുറത്തു വന്നിട്ടുണ്ട്. ശ്വേതയ്ക്കും നവ്യയ്ക്കും പുറമെ അമിതാഭ് ബച്ചന്റെ ഭാര്യയും അഭിനേത്രിയുമായ ജയ ബച്ചൻ വിഡിയോ കോൺഫറൻസിങ് വഴി പരിപാടിയിൽ പങ്കെടുക്കുന്നതും പ്രൊമോയിൽ കാണാം. ഡിസംബർ മൂന്നിന് ഈ എപ്പിസോഡ് പ്രക്ഷേപണം ചെയ്യും.

ബച്ചനെക്കുറിച്ച് തനിക്കുള്ള പരാതികളും അഭിപ്രായങ്ങളും ഈ വിഡിയോയിൽ ജയ ബച്ചൻ രസകരമായി പറയുന്നു. ബച്ചൻ തന്റെ കോളുകളൊന്നും എടുക്കുന്നില്ല എന്നാണ് ജയയുടെ പ്രധാന പരാതി. ‘ഇന്റർനെറ്റ് നേരാംവണ്ണം കിട്ടിയില്ലെങ്കിൽ ഞാൻ എന്തുചെയ്യും,” എന്നാണ് ബച്ചൻ തിരിച്ച് ചോദിക്കുന്നത്.

എന്നാൽ ഇത്തവണ ബച്ചനെ കുടുക്കിയത് മകളാണ്.  നെറ്റ് നേരാംവണ്ണം കിട്ടിയില്ലെങ്കിലും അച്ഛന്‌ സോഷ്യൽ മീഡിയയിൽ പടം ഇടുന്നുണ്ടെന്നും ട്വീറ്റ് ചെയ്യുന്നുണ്ടെന്നുമാണ് ശ്വേത പറഞ്ഞത്.

ഇതിന് പിറകെ കൊച്ചുമകൾ നവ്യ നവേലിയും ബച്ചനോട് ഒരു ചോദ്യം ചോദിച്ചു. ‘പാർലറിൽ നിന്ന് മടങ്ങുമ്പോൾ വല്യമ്മയോട് സുന്ദരിയാണെന്ന് പറയുമല്ലോ, ശരിക്കും സത്യമാണോ പറയുന്നത്?”. 

‘ജയ, നീ സുന്ദരിയാണ്’ എന്നാണ് ബച്ചൻ ഇതിന് മറുപടി നൽകിയത്. ‘കള്ളം പറയുമ്പോൾ നിങ്ങൾക്ക് ഭംഗിയില്ല’, എന്നായിരുന്നു ജയ ബച്ചന്റെ മറുപടി. 

തൽസമയ വാർത്തകൾക്ക് മലയാള മനോരമ മൊബൈൽ ആപ് ഡൗൺലോഡ് ചെയ്യൂ
MORE IN MOVIE NEWS
SHOW MORE
ഇവിടെ പോസ്റ്റു ചെയ്യുന്ന അഭിപ്രായങ്ങൾ മലയാള മനോരമയുടേതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.
Video

5 ജി: ആകാശത്തെ ആശങ്ക– എക്സ്പ്ലെയ്നർ വിഡിയോ

MORE VIDEOS
FROM ONMANORAMA