കമല്‍ഹാസന്റെ സര്‍പ്രൈസ്; കണ്ണ് നിറഞ്ഞ് ആരാധകര്‍; വിഡിയോ

ജീവനുതുല്യം സ്നേഹിക്കുന്ന ആരാധകർക്ക് സർപ്രൈസുമായി ഉലകനായകൻ കമൽഹാസൻ. വിക്രം സിനിമയുടെ പ്രമോഷനുമായി ബന്ധപ്പെട്ടാണ് ആരാധകരെ നേരിൽ കണ്ട് താരം സ്നേഹം പങ്കിട്ടത്. കമല്‍ഹാസന്‍ എന്ന വ്യക്തി തങ്ങളുടെ ജീവിതത്തില്‍ ചെലുത്തിയിട്ടുള്ള സ്വാധീനത്തെക്കുറിച്ച് വാചാലരാകുമ്പോൾ ആരാധകരുടെ പിന്നിലൂടെ പ്രത്യക്ഷപ്പെടുകയാണ് കമൽ.

പലരും അദ്ദേഹത്തെ കണ്ട് അമ്പരക്കുകയും ഞെട്ടുകയും ചെയ്യുന്നുണ്ട്. ചിലര്‍ സന്തോഷവും ആകാംക്ഷയും അടക്കാനാകാതെ കരയുകയും ചെയ്തു.

വരുന്ന ജൂണ്‍ മൂന്നിനാണ് വിക്രം തിയറ്റുകളിലേക്ക് എത്തുന്നത്. ചിത്രത്തില്‍ സൂര്യ അതിഥിവേഷത്തിലെത്തുന്നുണ്ട്. മലയാളി താരങ്ങളായ നരേന്‍, ചെമ്പന്‍ വിനോദ്, കാളിദാസ് ജയറാം തുടങ്ങിയവരും ചിത്രത്തിലെത്തുന്നുണ്ട്. മാസ്റ്ററിനു ശേഷം ലോകേഷ് കനകരാജ് സംവിധാനം ചെയ്യുന്ന ചിത്രമാണ് വിക്രം.