മോഹൻലാലിനും സുചിത്രയ്ക്കുമൊപ്പം രാധിക ശരത്കുമാർ

മോഹൻലാലിനും ഭാര്യ സുചിത്രയ്ക്കുമൊപ്പമുള്ള രാധിക ശരത്കുമാറിന്റെ ചിത്രങ്ങളാണ് സമൂഹമാധ്യമങ്ങളിൽ ശ്രദ്ധേയമാകുന്നത്. ‘‘മോഹൻലാലിനും കുടുംബത്തിനുമൊപ്പം ഒരു വൈകുന്നേരം’’ എന്ന അടിക്കുറിപ്പോടെയാണ് രാധിക ചിത്രങ്ങൾ പങ്കുവച്ചത്. ഖുശ്ബു ഉൾപ്പടെ നിരവധിപ്പേരാണ് ചിത്രങ്ങൾക്കു കമന്റുകളുമായി എത്തുന്നത്.

സിംഗപ്പൂരിൽ വച്ചായിരുന്നു ഇവരുടെ കൂടിക്കാഴ്ച. അവധി ആഘോഷിക്കുന്നതിന്റെ ഭാഗമായി കഴിഞ്ഞ ആഴ്ചയാണ് മോഹൻലാലും സുചിത്രയും സിംഗപ്പൂരിലെത്തിയത്.

തമിഴിലും മലയാളത്തിലും സജീവ സാന്നിധ്യമാണ് രാധിക ശരത്കുമാർ. മോഹൻലാലിനൊപ്പം ഇട്ടിമാണി: മെയ്ഡ് ഇൻ ചൈന എന്ന ചിത്രത്തിൽ രാധിക അഭിനയിച്ചിരുന്നു.