‘ഇടവേള’കളില്ലാതെ പ്രവർത്തിക്കുന്ന സഹോദരൻ: പിറന്നാൾ ആശംസയുമായി മോഹൻലാൽ
Mail This Article
താര സംഘടനയായ ‘അമ്മ’യുടെ ജനറല്‍ സെക്രട്ടറിയും നടനുമായ ഇടവേള ബാബുവിന് ജന്മദിനാശംസകളുമായി മോഹന്‍ലാല്‍. ‘‘ഇടവേളകളോ വിശ്രമമോ കൂടാതെ, വർഷങ്ങളായി സിനിമാപ്രവർത്തകരുടെ ക്ഷേമത്തിനായി പ്രവർത്തിക്കുന്ന എന്‍റെ പ്രിയ സഹോദരൻ ഇടവേള ബാബുവിന് ഹൃദയം നിറഞ്ഞ പിറന്നാൾ ആശംസകൾ’’, എന്നാണ് മോഹന്‍ലാല്‍ സമൂഹമാധ്യമത്തിൽ കുറിച്ചത്.
ഇടവേള ബാബുവിന്‍റെ പഴയ കാല ചിത്രമാണ് പോസ്റ്റിനൊപ്പം മോഹന്‍ലാല്‍ പങ്കുവച്ചത്. സഹപ്രവര്‍ത്തകരടക്കം നിരവധിപ്പേർ മോഹന്‍ലാലിന്‍റെ പോസ്റ്റിൽ ആശംസകളുമായി എത്തി.
1982ൽ 'ഇടവേള' എന്ന സിനിമയിലൂടെയാണ് ഇടവേള ബാബു എന്ന അമ്മനത്ത് ബാബു ചന്ദ്രന്റെ സിനിമാ പ്രവേശം. ഇതിൽ രവി എന്ന കഥാപാത്രത്തെയാണ് ബാബു അവതരിപ്പിച്ചത്. ആദ്യ ചിത്രത്തിന്റെ പേര് സ്വന്തം പേരുമായി ചേർത്താണ് ബാബു പിന്നീടുള്ള നാളുകളിൽ അറിയപ്പെട്ടു തുടങ്ങിയത്.
ഈ വർഷം പുറത്തിറങ്ങിയ 'മഹേഷും മാരുതിയും' എന്ന സിനിമയിലാണ് ബാബു ഏറ്റവും ഒടുവിലായി വേഷമിട്ടത്. ഇടവേള ബാബു അവിവാഹിതനാണ്.
