മാളവികയ്ക്കും നവനീതിനും ഗുരുവായൂരിൽ വിവാഹം; കണ്ണുനിറഞ്ഞ് ജയറാം
![malavika-jayaram-wedding-33 malavika-jayaram-wedding-33](https://img-mm.manoramaonline.com/content/dam/mm/mo/movies/movie-news/images/2024/5/2/malavika-jayaram-wedding-33.jpg?w=1120&h=583)
Mail This Article
ജയറാം, പാർവതി ദമ്പതികളുടെ മകൾ മാളവിക ജയറാം വിവാഹിതയായി. ഗുരുവായൂർ ക്ഷേത്രത്തിൽ രാവിലെ 6.15നായിരുന്നു മുഹൂർത്തം. താലികെട്ടിന് ശേഷം നിറകണ്ണുകളോടെ മകളെ നോക്കുന്ന ജയറാമിനെ കാണാമായിരുന്നു. തമിഴ് സ്റ്റൈലില് ചുവന്ന പട്ടുസാരി ചുറ്റിയാണ് മാളവിക താലികെട്ടിന് എത്തിയത്. കസവ് മുണ്ടും മേല്മുണ്ടുമായിരുന്നു നവനീതിന്റെ വേഷം.
പാലക്കാട് നെന്മാറ സ്വദേശിയായ നവനീതാണ് മാളവികയുടെ വരൻ. നവനീത് യുകെയിൽ ചാർട്ടേഡ് അക്കൗണ്ടന്റാണ്. താലികെട്ട് ചടങ്ങില് കാളിദാസ് ജയറാമിന്റെ ഭാവി വധു താരിണി, സുരേഷ് ഗോപി, ഭാര്യ രാധിക, അപര്ണ ബാലമുരളി തുടങ്ങിയവര് എത്തിയിരുന്നു.
![M-17444 M-17444](https://img-mm.manoramaonline.com/content/dam/mm/mo/config-assets/mo-default.jpg?w=845&h=440)
![M-17441 M-17441](https://img-mm.manoramaonline.com/content/dam/mm/mo/config-assets/mo-default.jpg?w=845&h=440)
തൃശൂർ ഹയാത്ത് ഹോട്ടലിൽ ഇന്ന് രാവിലെ 10.30 മുതലാണ് വിവാഹ വിരുന്ന്. മുഖ്യമന്ത്രി പിണറായി വിജയൻ ഉൾപ്പെടെ ഒട്ടേറെ പ്രമുഖർ വിവാഹ വിരുന്നിൽ പങ്കെടുക്കാൻ തൃശൂരിൽ എത്തിയിട്ടുണ്ട്. ശനിയാഴ്ച സിനിമയിലെ സഹ പ്രവർത്തകർക്കായി പ്രത്യേക വിരുന്നും സംഘടിപ്പിച്ചിട്ടുണ്ട്.
![M-17443 M-17443](https://img-mm.manoramaonline.com/content/dam/mm/mo/config-assets/mo-default.jpg?w=845&h=440)
![M-17442 M-17442](https://img-mm.manoramaonline.com/content/dam/mm/mo/config-assets/mo-default.jpg?w=845&h=440)
അതേസമയം, അച്ഛനും സഹോദരനും പിന്നാലെ മാളവികയും അഭിനയരംഗത്തേക്കു കടന്നിരുന്നു. നേരത്തെ ഒരു ജ്വല്ലറിക്ക് വേണ്ടിയുള്ള പരസ്യ ചിത്രത്തില് മാളവികയും ജയറാമും ഒരുമിച്ചഭിനയിച്ചിരുന്നു.
സോഷ്യല് മീഡിയയിലൂടെ മാളവികയുടെ ഫോട്ടോഷൂട്ടുകളും വൈറലായി മാറാറുണ്ട്. ഇതോടെ താരപുത്രി അധികം വൈകാതെ സിനിമയിലെത്തുമെന്ന തരത്തിലുള്ള ചര്ച്ചകളും സജീവമായിരുന്നു. അഭിയനക്കളരിയിലും മാളവിക പങ്കെടുത്തിരുന്നു.
ഇന്സ്റ്റഗ്രാമില് മാളവികയ്ക്ക് 3 ലക്ഷം ഫോളോവേര്സ് ഉണ്ട്. ഒരു വര്ഷം മുന്പ് ‘മായം സെയ്ത് പോവെ’ എന്ന തമിഴ് മ്യൂസിക് വിഡിയോയില് മാളവിക അഭിനയിച്ചിരുന്നു. നടന് അശോക് സെല്വനാണ് ഈ മ്യൂസിക് വിഡിയോയില് മാളവികയുടെ ജോഡിയായി എത്തിയത്.