ഏതു ഗെറ്റപ്പും ചേരുന്നയാളാണ് മക്കൾസെൽവൻ; മനോഹരം ഈ പ്രണയം

പ്രണയത്തിന്റെ മനോഹരഭാവവുമായി എത്തുകയാണ് വിജയ് സേതുപതി ചിത്രം സിന്ധുബാദിലെ ഉന്നാലതാൻ എന്ന ഗാനം. അൽറുഫിയാനും പ്രിയ മാലിയും ചേര്‍ന്നാണു ഗാനം ആലപിച്ചിരിക്കുന്നത്. പാ വിജയ്‌യുടെ വരികൾക്ക് സംഗീതം പകർന്നിരിക്കുന്നത് യുവൻ ശങ്കർരാജയാണ്. 

മികച്ച പ്രതികരണം നേടി മുന്നേറുകയാണു ഗാനം. വിജയ് സേതുപതിയോടുള്ള ആരാധന നിറയുന്നതാണു കമന്റുകൾ. ‘ഏതു ഗെറ്റപ്പും ചേരുന്നയാളാണ് മക്കൾ സെൽവനെ’ന്നാണ് ചിലരുടെ പ്രതികരണം. യുവൻ ശങ്കർ രാജയുടെ സംഗീതത്തെ പുകഴ്ത്തുന്നവരും കുറവല്ല. 

അഞ്ജലിയാണു ചിത്രത്തിലെ നായിക. എസ്.യു. അരുൺകുമാറാണ് സംവിധാനം. റൊമാന്റിക് ത്രില്ലറായി എത്തിയ ചിത്രം തീയറ്ററിൽ മികച്ച പ്രതികരണമാണ് നേടിയത്.