‘മുന്തിരി മൊഞ്ചനി’ലൂടെ മലയാളത്തിലേക്ക് വീണ്ടുമൊരു പ്രണയഗാനം
Mail This Article
യുവതാരങ്ങളെ കേന്ദ്രകഥാപാത്രങ്ങളാക്കി നവാഗതനായ വിജിത്ത് നമ്പ്യാർ സംവിധാനം ചെയ്ത ചിത്രമായ ‘മുന്തിരി മൊഞ്ചനി’ലെ പുതിയ ഗാനം റിലീസ് ചെയ്തു. ‘ഓർക്കുന്നു ഞാനാ....’ എന്നു തുടങ്ങുന്ന ഗാനത്തിന് വരികളൊരുക്കിയത് റഫീഖ് അഹമ്മദ്. വിജിത്ത് നമ്പ്യാർ ഈണം പകർന്ന ഗാനം ശങ്കർ മഹാദേവൻ ആലപിച്ചിരിക്കുന്നു. ആലാപന ശൈലിയിലും ദൃശ്യമികവിലും മുന്നിട്ടു നിൽക്കുകയാണ് ഗാനം.
മനേഷ് കൃഷ്ണൻ, ഗോപിക എന്നിവരാണ് ‘മുന്തിരി മൊഞ്ചനി’ലെ പ്രധാന അഭിനേതാക്കൾ. ചിത്രത്തിലെ മറ്റു പാട്ടുകൾ നേരത്തെ റിലീസ് ചെയ്തിരുന്നു. ശ്രേയ ഘോഷാൽ, ശ്രേയ ജയദീപ്, വിജേഷ് ഗോപാൽ, സുധാമയി നമ്പ്യാർ എന്നിവരും സിനിമയ്ക്കു വേണ്ടി ഗാനങ്ങൾ ആലപിച്ചു.
വിശ്വാസ് മൂവീസിന്റെ ബാനറിൽ പി.കെ അശോകൻ നിർമിക്കുന്ന ചിത്രത്തിന്റെ കഥയും തിരക്കഥയും സംഭാഷണവും എഴുതിയിരിക്കുന്നത് മനു ഗോപാലും മൊഹറലി പൊയിലുങ്ങൽ ഇസ്മായിലും ചേർന്നാണ്. സലിം കുമാർ, ഇന്നസെന്റ്, ഇർഷാദ്, നിയാസ് ബക്കർ, ഇടവേള ബാബു, അഞ്ജലി നായർ, വിഷ്ണു നമ്പ്യാർ, ദേവൻ, സലീമ തുടങ്ങിയവർ ചിത്രത്തിൽ പ്രധാന കഥാപാത്രങ്ങളെ അവതരിപ്പിക്കുന്നു.