10 മില്യൻ കാഴ്ചക്കാരുമായി ശ്രീവല്ലി ; ട്രെൻഡിങ് ആയി പുഷ്പയിലെ രണ്ടാമത്തെ പാട്ടും

അല്ലു അർജുൻ ചിത്രം പുഷ്പയിലെ രണ്ടാമത്തെ ഗാനവും പ്രേക്ഷകർ ഏറ്റെടുക്കുന്നു. സിദ് ശ്രീറാം പാടിയ ഈ ഗാനത്തിന്റെ സംഗീത സംവിധായകൻ ദേവി ശ്രീ പ്രസാദാണ്. ചന്ദ്രബോസിന്റെതാണ് വരികൾ.

പുഷ്പയും ശ്രീ വല്ലിയും തമ്മിലുള്ള പ്രണയമാണ് ഈ പാട്ടിന്റെ ഹൈലൈറ്റ്. ചടുലമായ ഈണത്തിൽ ചിട്ടപ്പെടുത്തിയ ഈ പാട്ടിനെ ഇപ്പോൾതന്നെ ആരാധകർ ഏറെയുണ്ട്. സിനിമയിലെ ചില രംഗങ്ങളുടെ മോഷൻ ഗ്രാഫിക്സ് ഈ ഗാനത്തിന്റെ പുതുമയാണ്. പുഷ്പയായി അല്ലു അർജുനും ശ്രീവല്ലിയായി രശ്മിക മന്ദാനയുമാണ് എത്തുന്നത്. ഈ പാട്ടിലെ രശ്മികയുടെ റസ്റ്റിക്ക് ലുക്കും ഏറെ ചർച്ചയായിരുന്നു. നാല് ദക്ഷിണേന്ത്യൻ ഭാഷകളിലും സിദ് ശ്രീരാം തന്നെയാണ് ഈ ഗാനത്തിന് ശബ്ദം നൽകിയിട്ടുള്ളത്. ഹിന്ദി വേർഷൻ പാടിയത് ജാവേദ് അലിയാണ്. മലയാളത്തിൽ സിജു തുറവൂർ ആണ് ഈ പാട്ടിനു എഴുതിയിട്ടുള്ളത്.

രണ്ട് ഭാഗങ്ങളിലായാണ് സുകുമാർ സംവിധാനം ചെയ്യുന്ന പുഷ്പ പുറത്തിറങ്ങുന്നത്. മലയാളികളുടെ അഭിമാനം ഫഹദ് ഫാസിലും ഏറെ ശ്രദ്ധേയമായ ഒരു റോളിൽ ചിത്രത്തിൽ എത്തുന്നുണ്ട്. ആദ്യ ഭാഗമായ പുഷ്പ - ദ് റൈസ് ക്രിസ്തുമസ് റിലീസായി തീയേറ്ററുകളിലെത്തും.