മെയ്വഴക്കത്തിൽ അമ്പരപ്പിച്ച് അനുപമ പരമേശ്വരൻ; നൃത്ത വിഡിയോ വൈറൽ
Mail This Article
നൃത്ത വിഡിയോ പങ്കുവച്ച് യുവതാരം അനുപമ പരമേശ്വരൻ. നടി മുഖ്യകഥാപാത്രത്തെ അവതരിപ്പിക്കുന്ന ‘റൗഡി ബോയ്സി’ലെ ‘ബൃന്ദാവനം’ എന്ന പാട്ടിനു ചുവടുവച്ചതിന്റെ വിഡിയോ ആണിത്. ഈ പാട്ടിന്റെ ലിറിക്കൽ വിഡിയോ കഴിഞ്ഞ ദിവസംഅണിയറപ്രവർത്തകർ പുറത്തിറക്കിയിരുന്നു. അനുപമയുടെ നൃത്തരംഗങ്ങൾ ഉൾപ്പെടുത്തിയ ഗാനമാണിത്.
അനുപമ പരമേശ്വരൻ സമൂഹമാധ്യമങ്ങളിൽ പങ്കുവച്ച നൃത്ത വിഡിയോ ചുരുങ്ങിയ സമയത്തിനകം ശ്രദ്ധേയമായി. ഫുൾ ഫ്രോക് ധരിച്ചെത്തിയ അനുപമയുടെ ലുക്കും ആരാധകർക്കിടയിൽ ചർച്ചയായിരിക്കുകയാണ്. ഇതിനോടകം നിരവധി പേർ കണ്ട വിഡിയോയ്ക്കു മികച്ച പ്രതികരണങ്ങളും ലഭിക്കുന്നു. താരത്തിന്റെ മെയ്വഴക്കം കണ്ട് അമ്പരന്നിരിക്കുകയാണ് ആരാധകർ. മുൻപും അനുപമയുടെ നൃത്തവിഡിയോകൾ വൈറലായിട്ടുണ്ട്.
ആഷിഷ് റെഡ്ഡിയും അനുപമ പരമേശ്വരനും കേന്ദ്ര കഥാപാത്രങ്ങളെ അവതരിപ്പിക്കുന്ന തെലുങ്ക് ചിത്രമാണ് ‘റൗഡി ബോയ്സ്’. ചിത്രത്തിലെ ‘ബൃന്ദാവനം’ പാട്ട് ഏറെ ശ്രദ്ധിക്കപ്പെട്ടതാണ്. അനുപമയുടെ എട്ടാമത്തെ തെലുങ്ക് പ്രോജക്ട് ആണിത്. ചിത്രത്തിൽ കാവ്യ എന്ന കഥാപാത്രത്തെയാണ് താരം അവതരിപ്പിക്കുന്നത്.