ഭർത്താവിനൊപ്പം തകർപ്പൻ ചുവടുകളുമായി ശിൽപ ബാല; വിഡിയോ

ഭർത്താവ് ഡോ.വിഷ്ണു ഗോപാലിനൊപ്പം ചുവടുവച്ച് നടി ശിൽപ ബാല. വിജയ് ചിത്രം ബീസ്റ്റിലെ ‘അറബിക് കുത്ത്’ എന്ന പാട്ടിനൊപ്പമാണ് ഇരുവരുടെയും ഗംഭീര പ്രകടനം. 

ശിൽപ സമൂഹമാധ്യമങ്ങളിൽ പങ്കുവച്ച റീൽ വിഡിയോ ഇതിനോടകം ആരാധകർ ഏറ്റെടുത്തുകഴിഞ്ഞു. സയനോര ഫിലിപ്, അപർണ തോമസ്, ഷഫ്ന, അൻസിബ ഹസ്സൻ, ആര്യ തുടങ്ങി പ്രമുഖരുൾപ്പെടെ നിരവധി പേർ കമന്റുകളുമായി എത്തി.

സമൂഹമാധ്യമങ്ങളിൽ ഏറെ സജീവമായ താരമാണ് ശിൽപ ബാല. മുൻപും ഭർത്താവിനൊപ്പമുള്ള നൃത്ത വിഡിയോകൾ താരം പങ്കുവച്ചിട്ടുണ്ട്. ശിൽപയുടെ അനിയത്തിയുടെ വിവാഹവേളയിൽ ഇരുവരും ഒരുമിച്ചു ചുവടുവച്ചതിന്റെ വിഡിയോ വൈറൽ ആയിരുന്നു.