സൂപ്പർഹിറ്റ് ആയതോടെ വിലക്ക്; മൂസവാലയുടെ അവസാന പാട്ട് യുട്യൂബ് നീക്കം ചെയ്തു

sidhu-moose-wala1
SHARE

വെടിയേറ്റു മരിച്ച പഞ്ചാബി ഗായകൻ സിദ്ദു മൂസവാലയുടെ അവസാനത്തെ പാട്ട് സൂപ്പർ ഹിറ്റായതിനു പിന്നാലെ യൂട്യൂബ് നീക്കം ചെയ്തു. വിവാദ സത്‌ലജ്–യമുന ലിങ്ക് (എസ്‌വൈഎൽ) കനാലിനെക്കുറിച്ച് അതേ പേരിലുള്ള പാട്ട് വെള്ളിയാഴ്ചയാണു നിർമാതാക്കൾ സമൂഹമധ്യമ പ്ലാറ്റ്ഫോമുകളിലൂടെ പുറത്തിറക്കിയത്. 2.7 കോടി വ്യൂസും 33 ലക്ഷം ലൈക്കുകളും നേടിയിരുന്നു. കനാൽ പദ്ധതിയുടെ പേരിൽ പഞ്ചാബ്, ഹരിയാന സംസ്ഥാനങ്ങൾ പരസ്പരം ഇടഞ്ഞു നിൽക്കുകയാണ്. 

കഴിഞ്ഞ മാസമാണ് ഗായകനും കോൺഗ്രസ് നേതാവുമായ സിദ്ദു മൂസവാല കൊല്ലപ്പെട്ടത്. മാൻസയ്ക്കു സമീപമുള്ള മൂസവാല ഗ്രാമത്തിൽ നിന്നുള്ള സിദ്ദുവിന്റെ ഗാനങ്ങൾ ഗ്രാമീണ മേഖലകളിൽ പ്രശസ്തമാണ്. എസ്‌വൈഎൽ പാട്ടും ചുരുങ്ങിയ സമയം കൊണ്ടാണ് സമൂഹമാധ്യമങ്ങളിൽ തരംഗമായത്. പാട്ട് പിന്‍വലിച്ചതിനെതിരെ നിരവധി പേരാണു വിമർശനവുമായി രംഗത്തെത്തിയത്. എസ്‌വൈഎൽ ഗാനത്തിന് ഇന്ത്യയിൽ മാത്രമാണ് വിലക്ക് ഏർപ്പെടുത്തിയിരിക്കുന്നത്. മറ്റു രാജ്യങ്ങളിൽ ഇത് ലഭ്യമാകും. 

തൽസമയ വാർത്തകൾക്ക് മലയാള മനോരമ മൊബൈൽ ആപ് ഡൗൺലോഡ് ചെയ്യൂ

ഇവിടെ പോസ്റ്റു ചെയ്യുന്ന അഭിപ്രായങ്ങൾ മലയാള മനോരമയുടേതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.
Video

ദൃശ്യം – 4നെ പറ്റിയാണ് ലാലേട്ടൻ ആലോചിക്കുന്നത് | Siddique | Asha Sarath | Peace

MORE VIDEOS