കുട്ടിപ്പാട്ടുമായി ‘പ്യാലി’; അനിമേഷൻ വിഡിയോ പുറത്ത്
Mail This Article
ദുൽഖർ സൽമാന്റെ ഉടമസ്ഥതയിലുള്ള വേഫെറർ ഫിലിംസും നടൻ എൻ.എഫ്. വർഗീസിന്റെ സ്മരണാർഥമുള്ള എൻ.എഫ്. വർഗീസ് പിക്ചേഴ്സും ചേർന്ന് നിർമിക്കുന്ന പ്യാലിയിലെ അനിമേഷൻ ഗാനം പുറത്തിറങ്ങി. സാഹോദര്യത്തിന്റെ നിറമുള്ള കാഴ്ചകളാണ് പാട്ടിൽ അവതരിപ്പിച്ചിരിക്കുന്നത്.
പ്രശാന്ത് പിള്ളയാണ് പാട്ടിന് ഈണമൊരുക്കിയിരിക്കുന്നത്. പ്രീതി പിള്ള വരികൾ കുറിച്ച ഗാനം അശ്വിൻ ഗോപകുമാർ ആലപിച്ചിരിക്കുന്നു. പാട്ട് ഇതിനകം ശ്രദ്ധിക്കപ്പെട്ടുകഴിഞ്ഞു. മികച്ച പ്രതികരണങ്ങളാണു സമൂഹമാധ്യമങ്ങളിൽ നിന്നും ലഭിക്കുന്നത്.
സഹോദരബന്ധത്തിന്റെ ആഴവും വ്യാപ്തിയും ഏറെ മനോഹരമായി അവതരിപ്പിക്കുന്ന ചിത്രമാണ് ‘പ്യാലി’. ബബിതയും റിനും ചേർന്നു തിരക്കഥയും സംവിധാനവും നിർവഹിക്കുന്ന ചിത്രം, കുട്ടികളുടെ മനം കവരുന്ന പ്രമേയമാണ് അവതരിപ്പിക്കുന്നത്. ആർട്ടിനും ബാലതാരത്തിനുമുള്ള സംസ്ഥാന പുരസ്കാരം സ്വന്തമാക്കിയ ‘പ്യാലി’ ജൂലൈ എട്ടിന് പ്രദർശനത്തിനെത്തും.