‘കൊളുന്ത് നുള്ളി’ ഗുരു സോമസുന്ദരം; നാലാം മുറയിലെ പാട്ട് ശ്രദ്ധേയം
Mail This Article
ബിജു മേനോനെ നായകനാക്കി ദീപു അന്തിക്കാട് സംവിധാനം ചെയ്യുന്ന ‘നാലാം മുറ’ എന്ന ചിത്രത്തിലെ പുതിയ ഗാനം ആസ്വാദകശ്രദ്ധ നേടുന്നു. ‘കൊളുന്ത് നുള്ളി’ എന്നു തുടങ്ങുന്ന പാട്ടാണ് പ്രേക്ഷകർക്കരികിലെത്തിയത്. പ്രകൃതിയോടിണങ്ങിയ മനോഹരക്കാഴ്ചകളാണ് പാട്ടിൽ തെളിയുന്നത്.
ശ്രീജിത് ഉണ്ണികൃഷ്ണൻ പാട്ടിനു വരികൾ കുറിച്ചിരിക്കുന്നു. കൈലാസ് ഈണമൊരുക്കിയ ഗാനം വൈഷ്ണവ് ഗിരീഷ് ആണ് ആലപിച്ചത്. ചുരുങ്ങിയ സമയംകൊണ്ട് ശ്രദ്ധേയമായ ഗാനം ഇതിനകം നിരവധി പ്രേക്ഷകരെ നേടിക്കഴിഞ്ഞു. നടി മലൈക അറോറയാണ് പാട്ട് ഔദ്യോഗികമായി പുറത്തിറക്കിയത്.
ഗുരു സോമസുന്ദരം ശക്തനായ വില്ലൻ കഥാപാത്രത്തെ അവതരിപ്പിക്കുന്ന ചിത്രമാണ് നാലാം മുറ. ദിവ്യ പിള്ളയും ശാന്തിപ്രിയയുമാണ് നായികനിരയില്. അലന്സിയര്, പ്രശാന്ത് അലക്സാണ്ടര്, ദിവ്യ പിള്ള, ശാന്തിപ്രിയ, ഷീലു എബ്രഹാം തുടങ്ങിയവരാണ് താരനിരയിലുള്ള പ്രധാനികള്. ഒട്ടനവധി പുതുമുഖങ്ങളും ചിത്രത്തില് അഭിനയിക്കുന്നു.