ഭർത്താവിന്റെ പിറന്നാൾ ആഘോഷമാക്കി മഞ്ജരി; കേക്കിൽ നിറയെ സർപ്രൈസ്, വിഡിയോ
![manjari-jerin manjari-jerin](https://img-mm.manoramaonline.com/content/dam/mm/mo/music/music-news/images/2022/9/25/manjari-jerin.jpg?w=1120&h=583)
Mail This Article
ഭർത്താവ് ജെറിന്റെ പിറന്നാൾ ആഘോഷമാക്കി ഗായിക മഞ്ജരി. പിറന്നാൾ സ്പെഷൽ വിഡിയോ ഗായിക സമൂഹമാധ്യമങ്ങളിൽ പങ്കുവച്ചു. നിറയെ സർപ്രൈസുകൾ ഒളിപ്പിച്ച കേക്ക് ആണ് മഞ്ജരി ജെറിനു വേണ്ടി ഒരുക്കിയത്. ജെറിന്റെ ഇഷ്ടങ്ങളെ സൂചിപ്പിക്കുന്നതെല്ലാം കേക്കിൽ നിറച്ചു. ഇരുവരും ഒരുമിച്ചു പിറന്നാൾ ആഘിഷിക്കുന്നതും പരസ്പരം ചുംബിക്കുന്നതും ദൃശ്യങ്ങളിൽ കാണാം.
നിരവധി പേരാണ് ജെറിന് ജന്മദിനാശംസകൾ നേരുന്നത്. വിവാഹശേഷമുള്ള ജെറിന്റെ ആദ്യ പിറന്നാളാണിത്. കഴിഞ്ഞ ദിവസമാണ് മഞ്ജരി അമ്മയുടെ പിറന്നാൾ ആഘോഷിച്ചത്. സ്പെഷൽ വിഡിയോയും പോസ്റ്റ് ചെയ്തിരുന്നു.
ഈ വർഷം ജൂണിലാണ് മഞ്ജരിയും ജെറിനും വിവാഹിതരായത്. തിരുവനന്തപുരത്തു വച്ചായിരുന്നു ചടങ്ങ്. ഇരുവരും ബാല്യകാലസുഹൃത്തുക്കളാണ്. ഒന്നാം ക്ലാസ് മുതൽ ഒരുമിച്ചായിരുന്നു പഠനം. ബെംഗളൂരുവില് സ്വകാര്യ സ്ഥാപനത്തിലെ എച്ച്ആർ മാനേജർ ആയി ജോലി ചെയ്യുകയാണ് ജെറിൻ. പത്തനംതിട്ട സ്വദേശിയാണ്.