കണ്ണൂർ ഷെരീഫിന്റെ ശബ്ദസൗന്ദര്യത്തിൽ അയ്യപ്പഭക്തിഗാനം; മനം നിറച്ച് ‘ശരണായനം’
Mail This Article
×
ഗായകൻ കണ്ണൂർ ഷെരീഫ് ആലപിച്ച ‘ശരണായനം’ എന്ന അയ്യപ്പഭക്തിഗാന ആൽബം ആസ്വാദകഹൃദയങ്ങളിൽ ഇടം പിടിക്കുന്നു. ഡോ.അബ്ദുൾ നിസാറിന്റെ വരികൾക്ക് ഹരീഷ് ശ്രീഹരി ഈണമൊരുക്കിയ ഗാനമാണിത്.
‘പതിനെട്ടു മലകൾക്കും നടുവിലായി
പതിനെട്ടു പടികൾക്കു മുകളിലായി
പതിതർക്കു തുണയാകും പരമമാം പൊരുളാകും
ഹരിഹരതനയാ നിൻ ദിവ്യകേതം....’
ശബരിമലയിലെ ഭക്തിനിർഭരമായ കാഴ്ചകളാണ് ഗാനരംഗത്തിൽ അവതരിപ്പിച്ചിരിക്കുന്നത്. കണ്ണൂർ ഷെരീഫിന്റെ മനസ്സു തൊടും ആലാപനവും ഹൃദ്യമായ വരികളും സംഗീതവും പാട്ടിനെ വേഗത്തിൽ സ്വീകാര്യമാക്കിക്കഴിഞ്ഞു. മികച്ച പ്രതികരണങ്ങളാണു ലഭിക്കുന്നത്. മുരളി പുനലൂർ ആണ് പാട്ടിന്റെ ഓർക്കസ്ട്രേഷൻ നിർവഹിച്ചത്. നവീൻ പന്തളം മിക്സിങ്ങും മാസ്റ്ററിങ്ങും സംഗീത് എഡിറ്റിങ്ങും നിർവഹിച്ചിരിക്കുന്നു.
ഇവിടെ പോസ്റ്റു ചെയ്യുന്ന അഭിപ്രായങ്ങൾ മലയാള മനോരമയുടേതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.
