‘ചുവപ്പണിഞ്ഞ പക്ഷികൾ’; ഹിഗ്വിറ്റയിലെ പാട്ട് ശ്രദ്ധേയം

സുരാജ് വെഞ്ഞാറമൂട്, ധ്യാൻ ശ്രീനിവാസൻ എന്നിവർ പ്രധാന വേഷങ്ങളിലെത്തിയ ‘ഹിഗ്വിറ്റ’യിലെ പുതിയ ഗാനം പുറത്ത്. ‘ചുവപ്പണിഞ്ഞ പക്ഷികൾ’ എന്നു തുടങ്ങുന്ന ഗാനം സിയ ഉൽ ഹഖ് ആണ് ആലപിച്ചിരിക്കുന്നത്. നിഖിൽ മറ്റത്തിൽ വരികൾ കുറിച്ച പാട്ടിന് രാഹുൽ രാജ് ഈണമൊരുക്കിയിരിക്കുന്നു. പാട്ട് ഇതിനകം ശ്രദ്ധിക്കപ്പെട്ടുകഴിഞ്ഞു. മികച്ച പ്രതികരണങ്ങളാണു ലഭിക്കുന്നത്

ആലപ്പുഴയിലെ ഫുട്‌ബോള്‍ പ്രേമിയായ ഒരു ഇടതുപക്ഷ യുവാവിന് ഇടതു നേതാവിന്റെ ഗണ്‍മാനായി നിയമനം ലഭിക്കുന്നതിനെ തുടര്‍ന്നുണ്ടാകുന്ന സംഭവങ്ങളാണ് ഹിഗ്വിറ്റയുടെ ഇതിവൃത്തം. ധ്യാന്‍ ശ്രീനിവാസന്‍ ഗണ്‍മാനായും സുരാജ് വെഞ്ഞാറമൂട് നേതാവായും വേഷമിടുന്നു. സമകാലിക രാഷ്ട്രീയത്തിന്റെ നേര്‍ക്കാഴ്ചയാണ് ചിത്രം.