നിങ്ങളുടെ പ്രാർഥനകൾ ഫലം കണ്ടു, ഞാൻ ജീവിതത്തിലേക്കു മടങ്ങുന്നു: ബോംബെ ജയശ്രീ
Mail This Article
×
മസ്തിഷ്ക രക്തസ്രാവത്തെത്തുടർന്നു ചികിത്സയിൽക്കഴിയുന്ന ഗായിക ബോംബെ ജയശ്രീയുടെ ആരോഗ്യനിലയില്‍ മികച്ച പുരോഗതി. ഗായിക തന്നെയാണ് ഇക്കാര്യം ഔദ്യോഗികമായി അറിയിച്ചത്. കുടുംബാംഗങ്ങളും ഇത് സ്ഥിരീകരിച്ചിട്ടുണ്ട്. ‘നിങ്ങളുടെ പ്രാർഥനകൾ ഫലം കണ്ടു. ഞാൻ ജീവിതത്തിലേക്കു മടങ്ങി വരികയാണ്’, ഗായിക കുറിച്ചു.
നിലവിൽ യുകെയിലെ സ്പെഷ്യലിസ്റ്റ് ആശുപത്രിയിൽ ചികിത്സയിൽക്കഴിയുകയാണ് ബോംബെ ജയശ്രീ. മാർച്ച് 24 നാണ് ഗായികയെ ആശുപത്രിയിൽ പ്രവേശിപ്പിച്ചത്. സംഗീതപരിപാടിയുമായി ബന്ധപ്പെട്ടു ലണ്ടനിലെത്തിയ ഗായികയെ ഹോട്ടൽ മുറിയിൽ അബോധാവസ്ഥയിൽ കണ്ടെത്തുകയായിരുന്നു. തുടർന്ന് ആശുപത്രിയിൽ പ്രവേശിപ്പിക്കുകയും താക്കോൽ ദ്വാര ശസ്ത്രക്രിയ നടത്തുകയും ചെയ്തു. ലണ്ടനിൽ നിന്നു മികച്ച ചികിത്സയാണു ലഭിച്ചതെന്ന് ഗായികയുടെ മകൻ അമൃത് രാംനാഥ് പറഞ്ഞു.
ഇവിടെ പോസ്റ്റു ചെയ്യുന്ന അഭിപ്രായങ്ങൾ മലയാള മനോരമയുടേതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.
