പ്രിയപ്പെട്ട പാട്ടിനൊപ്പം തകർപ്പൻ ചുവടുകളുമായി അഹാന കൃഷ്ണ; ഗ്ലാമറസ് ലുക്കും വൈറൽ
Mail This Article
×
സമൂഹമാധ്യമങ്ങളില്‍ തരംഗമായി നടി അഹാന കൃഷ്ണയുടെ പുത്തൻ ഡാൻസ് വിഡിയോ. ബെൽബോട്ടം ബാഗി ജീന്‍സും സ്ലീവ്‌ലെസ് ക്രോപ് ടോപ്പും ധരിച്ച് സ്റ്റൈലിഷ് ലുക്കിലാണ് അഹാന ചടുലമായ ചുവടുമായി എത്തിയത്.
ഗജിനിയിലെ ‘ലട്ടു ലട്ടു’ എന്ന സൂപ്പർഹിറ്റ് പാട്ടിനൊപ്പമാണ് അഹാനയുടെ തകർപ്പൻ ഡാൻസ്. താൻ ഈ പാട്ടിന്റെ കടുത്ത ആരാധികയാണെന്നും 2008ൽ പാട്ട് പുറത്തിറങ്ങിയപ്പോൾ അമ്മയുടെ ഫോണിൽ ഈ ഗാനം കോളർട്യൂൺ ആക്കിയിരുന്നെന്നും ഡാൻസ് വിഡിയോ പങ്കിട്ട് അഹാന കുറിച്ചു.
ചുരുങ്ങിയ സമയം കൊണ്ടാണ് അഹാനയുടെ നൃത്ത വിഡിയോ ആരാധകർക്കിടയിൽ ചർച്ചയായത്. നടിമാരായ നൂറിൻ ഷെരീഫ്, ശിവദ തുടങ്ങിയർ കമന്റുമായി എത്തി. ഗജിനിയിൽ എ.ആർ.റഹ്മാന്‍ ഈണമൊരുക്കിയ ഗാനമാണ് ‘ലട്ടു ലട്ടു’. ശ്രേയ ഘോഷാലും പ്രവീൺ മണിയും ചേർന്ന് ഗാനം ആലപിച്ചു. പാട്ടിന് ഇന്നും ആരാധകർ ഏറെയാണ്.
English Summary:
Ahaana Krishna dancing with the song Latoo
ഇവിടെ പോസ്റ്റു ചെയ്യുന്ന അഭിപ്രായങ്ങൾ മലയാള മനോരമയുടേതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.
