ഫാസ്റ്റ് നമ്പറുമായി ‘മഹാറാണി’; നിഗൂഢത നിറച്ച് പുതിയ ഗാനം
Mail This Article
ജി.മാര്‍ത്താണ്ഡൻ സംവിധാനം ചെയ്യുന്ന ‘മഹാറാണി’ എന്ന ചിത്രത്തിലെ പുതിയ ഗാനം പ്രേക്ഷകർക്കരികിൽ. ഗോവിന്ദ് വസന്ത ഈണമൊരുക്കിയ ‘റാണി’യാണ് അണിയറപ്രവർത്തകർ റിലീസ് ചെയ്തത്. രാജീവ് ആലുങ്കൽ വരികൾ കുറിച്ച ഗാനം സിയ ഉൽ ഹഖ് ആലപിച്ചു. പാട്ട് ഇതിനകം ശ്രദ്ധേയമായിക്കഴിഞ്ഞു. മികച്ച പ്രതികരണങ്ങളാണു ലഭിക്കുന്നത്. ചിത്രത്തിലെ നേരത്തേ പുറത്തിറങ്ങിയ ഗാനങ്ങളും ആസ്വാദകർ ഏറ്റെടുത്തിരുന്നു.
‘ഇഷ്ക്’, ‘അടി’ എന്നീ ചിത്രങ്ങളുടെ രചയിതാവായ രതീഷ്‌ രവി തിരക്കഥയെഴുതുന്ന ചിത്രമാണ് ‘മഹാറാണി’. എസ്ബി ഫിലിംസിന്റെ ബാനറില്‍ സുജിത് ബാലൻ ചിത്രം നിർമിക്കുന്നു. എന്‍.എം.ബാദുഷയാണ് സഹനിർമാണം.
റോഷന്‍ മാത്യു, ഷൈന്‍ ടോം ചാക്കോ, ബാലു വര്‍ഗീസ്‌, ഹരിശ്രീ അശോകന്‍, ജോണി ആന്റണി, ജാഫര്‍ ഇടുക്കി, ഗോകുലന്‍, കൈലാഷ്, അശ്വത് ലാല്‍, അപ്പുണ്ണി ശശി, ഉണ്ണി ലാലു, ആദില്‍ ഇബ്രാഹിം, രഘുനാഥ് പലേരി, പ്രമോദ് വെളിയനാട്, നിഷാ സാരംഗ്, സ്മിനു സിജോ, ശ്രുതി ജയന്‍, ഗൗരി ഗോപന്‍, പ്രിയ കോട്ടയം, സന്ധ്യ മനോജ്‌ തുടങ്ങിയവരാണ് ‘മഹാറാണി’യിലെ അഭിനേതാക്കൾ.
