തണുത്ത് വിറങ്ങലിച്ച് റിമിയുടെ പാട്ട്; ഫിൻലഡിലെ മഞ്ഞുവീഴ്ചയ്ക്കു നടുവിൽ ഗായിക
![rimi-finland റിമി ടോമി Image credit: Instagram/RimiTomy](https://img-mm.manoramaonline.com/content/dam/mm/mo/music/music-news/images/2024/1/6/rimi-finland.jpg?w=1120&h=583)
Mail This Article
മഞ്ഞിൽ മുങ്ങി തണുത്ത് വിറങ്ങലിച്ച് പാട്ടുമായി ഗായികയും അവതാരകയും അഭിനേത്രിയുമായ റിമി ടോമി. ഫിൻലൻഡിൽ അവധിയാഘോഷത്തിലാണ് ഗായിക. മഞ്ഞ് പെയ്യുന്ന ലാപ്ലാന്ഡിൽ നിന്നുള്ള മനോഹര ചിത്രങ്ങൾ റിമി സമൂഹമാധ്യമങ്ങളിൽ പങ്കുവച്ചു. ഫിൻലൻഡ് എയർപോർട്ടിൽ നിന്നുള്ള ദൃശ്യങ്ങളും റിമി ടോമി പോസ്റ്റ് ചെയ്തിട്ടുണ്ട്.
എ.ആർ.റഹ്മാന്റെ സൂപ്പർഹിറ്റ് ഗാനം ‘പുതുവെള്ളൈമഴൈ’ എന്ന ഗാനം ആലപിക്കുന്നതിന്റെ വിഡിയോ ആണ് ഗായിക പങ്കുവച്ചത്. പാടുന്നതിനിടെ ഗായിക തണുത്തു വിറയ്ക്കുന്നത് വിഡിയോയിൽ വ്യക്തമാണ്. വിഡിയോ ഇതിനകം വൈറലായിക്കഴിഞ്ഞു. രഞ്ജിനി ജോസ്, ലക്ഷ്മി നക്ഷത്ര, മുന്ന സൈമൺ തുടങ്ങി പ്രമുഖർ ഉൾപ്പെടെ നിരവധി പേരാണു പ്രതികരണങ്ങൾ അറിയിച്ചു രംഗത്തെത്തുന്നത്.
വലിയ യാത്രാപ്രേമിയാണ് റിമി ടോമി. തിരക്കേറിയ ജീവിതത്തിലും യാത്രകൾക്കായി റിമി പ്രത്യേകമായി സമയം കണ്ടെത്താറുണ്ട്. കുടുംബത്തോടൊപ്പം യാത്ര പോകുന്നതും പതിവാണ്. റിമി എല്ലാ യാത്രാ വിശേഷങ്ങളും സമൂഹമാധ്യമങ്ങളിലൂടെ ആരാധകരെ അറിയിക്കാറുണ്ട്.