ആ ശബ്ദത്തിനൊപ്പം ചുണ്ട് ചലിപ്പിച്ച് അഭിനയിക്കാനായത് മഹാ പുണ്യം: മോഹൻലാൽ

ശതാഭിഷിക്തനാകുന്ന ഗാനഗന്ധർവൻ കെ.ജെ.യേശുദാസിന് ആശംസകൾ നേർന്ന് നടൻ മോഹൻലാൽ. യേശുദാസിനൊപ്പമുള്ള ചിത്രങ്ങളുൾപ്പെടുത്തിയൊരുക്കിയ സ്പെഷൽ വിഡിയോ പങ്കുവച്ചാണ് നടന്റെ ആശംസ. എക്കാലവും മലയാളി കേട്ടുകൊണ്ടിരിക്കുന്ന ഒരേയൊരു ശബ്ദം യേശുദാസിന്റേതാണെന്നും ആ ശബ്ദത്തിന് എന്നും ചെറുപ്പമാണെന്നും മോഹൻലാൽ വിഡിയോയിൽ പറഞ്ഞു. 

യേശുദാസിന്റെ ശബ്ദത്തിനനുസരിച്ച് ചുണ്ട് ചലിപ്പിച്ച് അഭിനയിക്കാനായത് തന്റെ സിനിമാ ജീവിതത്തിലെ മഹാപുണ്യമാണെന്നും അദ്ദേഹത്തിന്റെ കാലത്ത് ജീവിക്കാനായത് വലിയ ഭാഗ്യമാണെന്നും മോഹൻലാൽ പറയുന്നു. പ്രിയഗായകന് ആയുരാരോഗ്യ സൗഖ്യങ്ങൾ നേർന്നുകൊണ്ടാണ് നടൻ വിഡിയോ അവസാനിപ്പിക്കുന്നത്.