പുതിയ ഹ്യുണ്ടായ് വെർന എത്തി

കൊച്ചി∙ ഹ്യുണ്ടായ് മിഡ്സൈസ് സെഡാൻ വെർനയുടെ പുതിയ പതിപ്പ് വിപണിയിലെത്തി. 10.90 ലക്ഷം മുതൽ 17.38 ലക്ഷം രൂപ വരെയാണ് ഷോറൂം വില. 1.5 ലീറ്റർ പെട്രോൾ, 1.5 ലീറ്റർ പെട്രോൾ ടർബോ എൻജിൻ മോഡലുകൾ ലഭ്യമാണ്. മാനുവൽ, ഓട്ടമാറ്റിക് വകഭേദങ്ങളുണ്ട്.  രണ്ട് എൻജിൻ ഓപ്ഷനിലുമായി 18.6 മുതൽ 20.6 വരെയാണ് കമ്പനി അവകാശപ്പെടുന്ന മൈലേജ്. ആറ് എയർ ബാഗ് ഉൾപ്പെടെ 30 സുരക്ഷാ ഫീച്ചറുകൾ വാഹനത്തിനുണ്ട്.