‘മാലിന്യം തിരികെ ചവറ്റുകുട്ടയിൽ’:നിതീഷ്കുമാറിനെപ്പറ്റി ലാലുവിന്റെ മകൾ

പട്ന ∙ നിതീഷിന്റെ പുതിയ ചാട്ടത്തെ പരിഹസിച്ച് രാഷ്ട്രീയ ജനതാദൾ അധ്യക്ഷൻ ലാലു പ്രസാദ് യാദവിന്റെ മകൾ രോഹിണി ആചാര്യയുടെ പോസ്റ്റ് വിവാദമായി. മാലിന്യം തിരികെ ചവറ്റുകുട്ടയിലെത്തിയെന്നായിരുന്നു എൻഡിഎയിലേക്കുളള മടക്കത്തെക്കുറിച്ചു സമൂഹമാധ്യമമായ എക്സിൽ രോഹിണിയുടെ പോസ്റ്റ്. സിംഗപ്പൂരിൽ താമസിക്കുന്ന രോഹിണി ഈ പോസ്റ്റ് പിന്നീട് ഡിലീറ്റ് ചെയ്തു. വിവാദമായേക്കാവുന്ന മറ്റു പോസ്റ്റുകളും പിൻവലിച്ചു.

‌ഉദ്ദേശിച്ചത് പ്രധാനമന്ത്രി മോദിയെയാണെന്നും നിതിഷിനെയല്ലെന്നും വിശദീകരിച്ച് ആർജെഡി രംഗത്തെത്തിയിരുന്നു.