പൂജാ ബംപർ: 12 കോടി കാസർകോട്ട്

തിരുവനന്തപുരം/ കാസർകോട് ∙ ഇന്നലെ നറുക്കെടുത്ത പൂജാ ബംപർ ലോട്ടറിയുടെ ഒന്നാം സമ്മാനമായ 12 കോടി രൂപ കാസർകോട്ടു വിറ്റ JC 213199 എന്ന ടിക്കറ്റിന്. രണ്ടാം സമ്മാനം (ഒരു കോടി രൂപവീതം 4 പേർക്ക്) JD 504106, JC 748835, JC 293247, JC 781889 എന്നീ ടിക്കറ്റുകൾക്കാണ്. മൂന്നാം സമ്മാനം 10 ലക്ഷം രൂപ വീതം 10 പേർക്കു ലഭിക്കും. അച്ചടിച്ച 40 ലക്ഷത്തി‍ൽ 39 ലക്ഷം വിറ്റുപോയി. 

കാസർകോട് ജില്ലയിൽ കർണാടകയോടു ചേർന്നു മജീർപള്ളത്ത് ഭാരത് ലോട്ടറി ഏജൻസി നടത്തുന്ന കളരിപ്പറമ്പിൽ മേരിക്കുട്ടി ജോജോ വിറ്റ ടിക്കറ്റിനാണ് ഒന്നാം സമ്മാനം; രണ്ടാം സമ്മാനത്തിലെ ഒരു ടിക്കറ്റ് (JD 504106) ഭർത്താവ് ജോജോ വിറ്റ ടിക്കറ്റിനും. സമ്മാനാർഹർ ഇതുവരെ എത്തിയിട്ടില്ല. 20 കോടി രൂപ ഒന്നാം സമ്മാനം നൽകുന്ന ക്രിസ്മസ് -ന്യൂ ഇയർ ബംപർ ടിക്കറ്റ് ഇന്നു വിപണിയിലെത്തും. കഴിഞ്ഞ വർഷം 16 കോടി രൂപയായിരുന്നു ഒന്നാം സമ്മാനം. രണ്ടാം സമ്മാനം ഒരു കോടി വീതം 20 പേർക്കും മൂന്നാം സമ്മാനം 10 ലക്ഷം രൂപ വീതം 30 പേർക്കും. ടിക്കറ്റ് വില 400 രൂപ.