Premium

‘അടിക്ക് തിരിച്ചടിച്ച്’ തുടങ്ങിയോ കോൺഗ്രസ്? 'സെമി കേഡർ വാക്സീനായി' തൃക്കാക്കര ജയം

VD Satheesan K Sudhakaran
തൃക്കാക്കരയിൽ ഉമ തോമസിന്റെ വിജയം ആഘോഷിക്കുന്ന കോൺഗ്രസ് ക്യാംപ്. ചിത്രത്തിനു കടപ്പാട്: റാഫി കൊല്ലം (facebook.com/rafikollam)
SHARE

‘ഞങ്ങൾ ഒറ്റക്കെട്ടാണ്’– പരസ്പരം ചെളിവാരിയെറിഞ്ഞു വിവാദങ്ങളുടെ നടുക്കടലിൽ നിൽക്കുമ്പോൾ പേരിനൊരു ഒത്തുതീർപ്പ് ചർച്ച നടത്തി, മുഖത്തൊരു ചിരി ഫിറ്റ് ചെയ്തു കോൺഗ്രസ് നേതാക്കൾ സ്ഥിരം പറയാറുള്ള വാചകം. പറഞ്ഞു പിന്തിരിയുന്നതിനു മുൻപേ ഈ ഒറ്റക്കെട്ട് പൊട്ടുന്നതും അതു ഗ്രൂപ്പുകളായും നേതാക്കളായും വീണ്ടും ഇഴ പിരിയുന്നതും രാഷ്ട്രീയ കേരളം എത്രയോ കണ്ടിരിക്കുന്നു. കോൺഗ്രസ് രാഷ്ട്രീയത്തിലെ ക്ലീഷേ വാക്കായിത്തന്നെ ഈ ‘ഒറ്റക്കെട്ട്’ മാറിയിരുന്നു. എന്നാൽ തൃക്കാക്കര ഉപതിരഞ്ഞെടുപ്പിനുശേഷം ഇതല്ല സ്ഥിതി. വൻ ഭൂരിപക്ഷത്തിലുള്ള തകർപ്പൻ വിജയം കേരളത്തിലെ കോൺഗ്രസിനെ ഒറ്റക്കെട്ടാക്കിയിരിക്കുന്നു. വാക്കിലും പ്രവൃത്തിയിലും ചലനങ്ങളിലും വരെ അതു പ്രതിഫലിക്കുകയും ചെയ്യുന്നു. നിയമസഭയ്ക്ക് അകത്തും പുറത്തുമുള്ള കരുനീക്കങ്ങളിലെല്ലാം അതിന്റെ ഊർജം തെളിയുന്നു. തൃക്കാക്കര ഉപതിരഞ്ഞെടുപ്പിനു കോൺഗ്രസ് രാഷ്ട്രീയത്തിലുള്ള പ്രത്യേകതയെന്താണ്? പഞ്ചായത്ത് വാർഡിലേക്ക് ഉപതിരഞ്ഞെടുപ്പു പ്രഖ്യാപിച്ചാൽ പോലും നാലു കഷ്ണമായി മാറുന്ന കോൺഗ്രസിൽ ഭിന്നതയുടെ ഒരു സ്വരം പോലും ഉയർന്നില്ലെന്നതാണ് അതിനുള്ള ഉത്തരം. കേരളത്തിൽ കോൺഗ്രസിന് ഏറ്റവും വിജയസാധ്യതയുള്ള സീറ്റിൽ സ്ഥാനാർഥി മോഹികളുണ്ടാവുക സ്വാഭാവികം. എന്നാൽ തിരഞ്ഞെടുപ്പു പ്രഖ്യാപനം വന്നു മണിക്കൂറുകൾക്കുള്ളിൽ സ്ഥാനാർഥിയുണ്ടാകുമെന്ന പ്രഖ്യാപനത്തിലൂടെ കോൺഗ്രസ് നേതൃത്വം എല്ലാ മോഹങ്ങളെയും മുളയിലേ നുള്ളി. പുറത്തേക്കുവന്ന ഭിന്നസ്വരം ഡൊമിനിക് പ്രസന്റേഷന്റേതായിരുന്നു. എന്നാൽ വിമതനാകാനോ വിവാദമുയർത്താനോ ഡൊമിനിക്കിനു കഴിയാത്തവണ്ണമുള്ള ക്രൈസിസ് മാനേജ്മെന്റ്, ക്രൈസിസിനു മുൻപേ നേതൃത്വം നടത്തി.

ഇവിടെ പോസ്റ്റു ചെയ്യുന്ന അഭിപ്രായങ്ങൾ മലയാള മനോരമയുടേതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.

അവശ്യസേവനങ്ങൾ കണ്ടെത്താനും ഹോം ഡെലിവറി  ലഭിക്കാനും സന്ദർശിക്കുwww.quickerala.com

തൽസമയ വാർത്തകൾക്ക് മലയാള മനോരമ മൊബൈൽ ആപ് ഡൗൺലോഡ് ചെയ്യൂ
Video

ഇതിലും ചെലവുകുറഞ്ഞ വീടില്ല! | Hometour | Lowcost Home

MORE VIDEOS