സമയം കഴിഞ്ഞും ബാറിൽ ആഘോഷം; കന്നഡ സിനിമാ താരങ്ങൾക്ക് എതിരെ കേസ്
Mail This Article
×
ബെംഗളൂരു∙ രാത്രിയിൽ അനുവദനീയമായ സമയം കഴിഞ്ഞിട്ടും ബാറിൽ ആഘോഷം തുടർന്ന കന്നഡ സിനിമാ താരങ്ങൾക്ക് എതിരെ പൊലീസ് കേസെടുത്തു. നടൻ ദർശൻ തൊഗുദ്വീപ, സുമലത എംപിയുടെ മകനും നടനുമായ അഭിഷേക് അംബരീഷ്, നടനും നിർമാതാവുമായ റോക്ക്‌ലൈൻ വെങ്കിടേഷ് എന്നിവർക്ക് എതിരെയാണ് നടപടി.
ദർശന്റെ കന്നഡ സിനിമ കാട്ടീര നൂറു കോടി കലക്‌ഷൻ നേടിയതിന്റെ ഭാഗമായി രാജാജിനഗറിലെ ബാറിൽ ആഘോഷം സംഘടിപ്പിച്ചിരുന്നു. രാത്രി 12.30ന് എത്തിയ പൊലീസ് ആഘോഷം അവസാനിപ്പിക്കാൻ താരങ്ങളോട് ആവശ്യപ്പെട്ടു. എന്നാൽ രാവിലെ വരെ മദ്യ സൽക്കാരം ഉൾപ്പെടെ തുടർന്നതായി കണ്ടെത്തിയതോടെയാണ് പൊലീസ് നടപടി സ്വീകരിച്ചത്.
English Summary:
Case Against Kannada Actors For Partying Late Night In Bengaluru
ഇവിടെ പോസ്റ്റു ചെയ്യുന്ന അഭിപ്രായങ്ങൾ മലയാള മനോരമയുടേതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.
