വിദേശവിനിമയ ചട്ടം ലംഘിച്ചെന്ന് കണ്ടെത്തൽ; മഹുവയ്ക്ക് ഇ.ഡി സമൻസ്, തിങ്കളാഴ്ച ഹാജരാകണം
Mail This Article
ന്യൂഡൽഹി∙ ലോക്സഭയിൽനിന്ന് പുറത്താക്കപ്പെട്ട തൃണമൂൽ കോൺഗ്രസ് നേതാവ് മഹുവ മൊയ്ത്രയെ എൻഫോഴ്സ്മെന്റ് ഡയറക്ടറേറ്റ് (ഇ.ഡി) ചോദ്യം ചെയ്യാന് വിളിപ്പിച്ചു. വിദേശ വിനിമയ ചട്ടലംഘന കേസിലാണ് മഹുവയെ വിളിപ്പിച്ചത്. തിങ്കളാഴ്ച ഡൽഹിയിലെ ഇ.ഡി ഓഫിസിൽ ചോദ്യം ചെയ്യാൻ ഹാജരാകാനാണ് ആവശ്യപ്പെട്ടിരിക്കുന്നത്. മഹുവ മൊയ്ത്ര വിദേശവിനിമയ ചട്ടം ലംഘിച്ചതായാണ് ഇ.ഡിയുടെ കണ്ടെത്തല്.
Read Also: അജിത് പവാറിന്റേത് യഥാർഥ എൻസിപി, എംഎൽഎമാരെ അയോഗ്യരാക്കാനാകില്ല: മഹാരാഷ്ട്ര സ്പീക്കർ
ലോക്സഭയിൽ ചോദ്യം ചോദിക്കുന്നതിനു പണം വാങ്ങി എന്നു പാർലമെന്റ് എത്തിക്സ് കമ്മിറ്റി കണ്ടെത്തിയതിനെ തുടർന്ന് കഴിഞ്ഞ ഡിസംബറിൽ മഹുവയെ പുറത്താക്കിയിരുന്നു. നരേന്ദ്ര മോദി സര്ക്കാരിനെതിരെ ചോദ്യങ്ങളുന്നയിക്കാന് വ്യവസായി ദര്ശന് ഹിരാനന്ദാനിയില്നിന്ന് 'കൈക്കൂലി' സ്വീകരിച്ചെന്നാണ് മഹുവയ്ക്കെതിരായ ആരോപണം. ബിജെപി എംപി നിഷികാന്ത് ദുബെയാണ് പാര്ലമെന്റില് മഹുവയ്ക്കെതിരെ രംഗത്തുവന്നത്. ഇതില് വലിയ ഗൂഢാലോചന നടന്നിട്ടുണ്ടെന്നും മഹുവയ്ക്കെതിരെ നടപടി വേണമെന്നും ദുബെ ആവശ്യപ്പെട്ടിരുന്നു.
ഇതോടെ വിഷയം പാര്ലമെന്റ് എത്തിക്സ് കമ്മിറ്റിയുടെ മുന്നിലെത്തുകയും പിന്നീട് ഐടി മന്ത്രാലയം വിശദ പരിശോധന നടത്തുകയും ചെയ്തു. ലോഗിന് വിവരങ്ങള് ഹിരാനന്ദാനിക്ക് നല്കിയതായി മഹുവ വെളിപ്പെടുത്തി. ഇതു സാധാരണമാണെന്നും അവര് അവകാശപ്പെട്ടു. എന്നാല് ഹിരാനന്ദാനിക്ക് മാത്രമല്ല ലോഗിന് വിവരങ്ങള് നല്കിയതെന്നു ദുബെ ആരോപിച്ചു. ഡല്ഹി, ബെംഗളൂരു, സാന്ഫ്രാന്സിസ്കോ തുടങ്ങി പലയിടങ്ങളില്നിന്ന് ലോഗിന് ചെയ്തതു സൂചിപ്പിക്കുന്നത് അതാണെന്നും ദുബെ പറഞ്ഞു.
മഹുവയുടെ പാര്ലമെന്റ് ലോഗിന് ഐഡി ദുബായ്ക്കു പുറമെ മറ്റു പലയിടങ്ങളില്നിന്നും ഉപയോഗിച്ചതായി ഐടി മന്ത്രാലയത്തിന്റെ റിപ്പോര്ട്ടില് പറയുന്നുണ്ട്. മഹുവ കൊല്ക്കത്തയിലായിരുന്ന ദിവസം യുഎസിലെ ന്യൂജഴ്സി, ബെംഗളൂരു, ഡല്ഹി എന്നിവിടങ്ങില്നിന്ന് പാര്ലമെന്റ് അക്കൗണ്ടില് ലോഗിന് ചെയ്തതായും വിവരമുണ്ട്. മഹുവ മൊയ്ത്രയ്ക്കെതിരെ സിബിഐ അന്വേഷണവും നടക്കുന്നുണ്ട്.