കേരളത്തിന് നികുതിവിഹിതമായി 2,736 കോടി രൂപ; സംസ്ഥാനങ്ങൾക്ക് 1.42 ലക്ഷം കോടി അനുവദിച്ച് കേന്ദ്രം

ന്യൂഡൽഹി∙ കേരളത്തിനു നികുതിവിഹിതമായി 2,736 കോടി രൂപ കേന്ദ്ര ധനമന്ത്രാലയം അനുവദിച്ചു. 28 സംസ്ഥാനങ്ങൾക്കായി 1,42,122 കോടി  രൂപയാണ് അനുവദിച്ചത്. ഏറ്റവും ഉയർന്ന നികുതിവിഹിതം ലഭിച്ചത് ഉത്തർപ്രദേശിനാണ്. 25495 കോടിയാണ് ഉത്തർപ്രദേശിന് അനുവദിച്ചത്. ഫെബ്രുവരി 12 നു 71,061 കോടി രൂപ സംസ്ഥാനങ്ങൾക്ക് അനുവദിച്ചതിനു പുറമേയാണു വീണ്ടും നികുതിവിഹിതമായി 1.42 ലക്ഷം കോടി രൂപ അനുവദിച്ചത്.