കെ.മുരളീധരൻ കോൺഗ്രസിന്റെ ‘ട്രബിൾ ഷൂട്ടർ’; അതാണ് മോദി രണ്ടുംമൂന്നും തവണ തൃശൂരിലെത്തിയത്: ഡികെ

തൃശൂർ ∙ കെ.മുരളീധരൻ കോൺഗ്രസിന്റെ ‘ട്രബിൾ ഷൂട്ടർ’ ആണെന്നു കർണാടക ഉപമുഖ്യമന്ത്രി ഡി.കെ.ശിവകുമാർ. ഒല്ലൂരിൽ സംഘടിപ്പിച്ച റോഡ്ഷോയും പൊതുസമ്മേളനവും ഉദ്ഘാടനം ചെയ്യുകയായിരുന്നു അദ്ദേഹം. കേരളത്തിലെ ഏറ്റവും കരുത്തനായ സ്ഥാനാർഥികളിലൊരാളാണ് മുരളീധരൻ.

അതുകൊണ്ടാണ് പ്രധാനമന്ത്രി നരേന്ദ്ര മോദി രണ്ടും മൂന്നും തവണ തൃശൂരിലെത്തേണ്ടി വരുന്നത്. കേരളത്തിൽ എൽഡിഎഫിന് വോട്ട് ചെയ്യുന്നവരോർക്കണം, നിങ്ങൾ ബിജെപിയെയാണ് ശക്തിപ്പെടുത്തുന്നത്. ബിജെപിയെ തോൽപ്പിക്കാൻ കഴിയുന്നത് കോൺഗ്രസിനു മാത്രമാണെന്നും ശിവകുമാർ പറഞ്ഞു.