മൈക്ക് പെൻസിന്റെ വീട്ടിലും ഔദ്യോഗിക രഹസ്യരേഖകൾ; പിടിച്ചെടുത്ത് എഫ്ബിഐ

mike-pence
SHARE

വാഷിങ്ടൻ ∙ മുൻ യുഎസ് വൈസ് പ്രസിഡന്റ് മൈക്ക് പെൻസിന്റെ വീട്ടിൽ നിന്നും ഔദ്യോഗിക രഹസ്യരേഖകൾ എഫ്ബിഐ പിടിച്ചെടുത്തു. പെൻസിന്റെ ഇൻഡ്യാനയിലെ വസതിയിൽ കഴിഞ്ഞയാഴ്ച നടത്തിയ പരിശോധനയിൽ കണ്ടെത്തിയ രേഖകൾ തിരിച്ചേൽപ്പിച്ചതായി അഭിഭാഷകൻ ഗ്രെഗ് ജേക്കബ് അറിയിച്ചു. 2024 ലെ പ്രസിഡന്റ് തിരഞ്ഞെടുപ്പിൽ മത്സരിക്കാൻ നീക്കം നടത്തുന്ന പെൻസിന് ഈ സംഭവം ക്ഷീണം ചെയ്യും. 

ഏതാനും ദിവസം മുൻപ് യുഎസ് പ്രസിഡന്റ് ജോ ബൈഡന്റെ വിൽമിങ്ടണിലെ വസതിയിൽ എഫ്ബിഐ റെയ്ഡ് നടത്തി ഔദ്യോഗിക രഹസ്യരേഖകൾ പിടിച്ചെടുത്തിരുന്നു. ബൈഡൻ വൈസ് പ്രസിഡന്റായിരുന്ന 2009–16 കാലത്തെ ഔദ്യോഗിക രേഖകളാണിവ. മുൻ പ്രസിഡന്റ് ഡോണൾഡ് ട്രംപ് ഔദ്യോഗികരേഖകൾ ഫ്ലോറിഡയിലെ മറലാഗോ വസതിയിൽ സൂക്ഷിച്ചിരുന്നതും നേരത്തെ പിടിച്ചെടുത്തിരുന്നു. യുഎസ് നിയമം അനുസരിച്ച് ഭരണത്തിലുള്ളവർ അധികാരമൊഴിഞ്ഞാലുടൻ ഔദ്യോഗിക രേഖകളെല്ലാം തിരിച്ചേൽപ്പിക്കണം.

English Summary : FBI captured official confidential documents from Mike Pence house

തൽസമയ വാർത്തകൾക്ക് മലയാള മനോരമ മൊബൈൽ ആപ് ഡൗൺലോഡ് ചെയ്യൂ

ഇവിടെ പോസ്റ്റു ചെയ്യുന്ന അഭിപ്രായങ്ങൾ മലയാള മനോരമയുടേതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.
Video

സ്ഥിരം പരിപാടികൾ അല്ല ഇനി! - Mathew Thomas | Christy Movie | Latest Chat

MORE VIDEOS