2049 ന് മുൻപ് തയ്​വാനെ ചൈനയോട് ചേർക്കും: ഷി ചിൻപിങ്

ബെയ്ജിങ് ∙ തയ്​വാനെ കൂട്ടിച്ചേർക്കുമെന്ന് ചൈനീസ് പ്രസിഡന്റ് ഷി ചിൻപിങ് പ്രഖ്യാപിച്ചു. പുതുവത്സരത്തിൽ ടെലിവിഷനിലൂടെയാണ് ഷിയുടെ പ്രഖ്യാപനം. ഏതാനും അഴ്ചകൾക്കുള്ളിൽ തയ്​വാൻ തിരഞ്ഞെടുപ്പു നടക്കാനിരിക്കെയാണ് പുതിയ നീക്കം. രണ്ടു കരകളും ഒന്നാകുകയെന്ന ‘ചൈനീസ് സ്വപ്നം’ 2049 നു മുൻപ് പൂർത്തിയാകുമെന്ന് ഷി പറഞ്ഞു. 

അതേസമയം, തയ്‌വാന്റെ ഭാവി ജനങ്ങൾ ജനാധിപത്യരീതിയിൽ തീരുമാനിക്കുമെന്ന് പ്രസിഡന്റ് സായ് ഇങ്‍വെൻ പറഞ്ഞു. ജനാധിപത്യത്തെ ഉയർത്തിപ്പിടിക്കുക മാത്രമാണ് പുരോഗതിയിലേക്ക് തയ്​വാന്റെ മുന്നിലുള്ള ഏക വഴിയെന്നും അവർ പറഞ്ഞു.