കോപ്റ്റർ അപകടം: ചിലെ മുൻ പ്രസിഡന്റ് പിനെറ മരിച്ചു

സാന്തിയാഗോ ∙ ചിലെ മുൻ പ്രസിഡന്റ് സെബാസ്റ്റ്യൻ പിനെറ (74) ഹെലികോപ്റ്റർ അപകടത്തിൽ മരിച്ചു. ഒപ്പം യാത്ര ചെയ്തിരുന്ന ഒരാളും മരിച്ചു. 3 പേർക്കു പരുക്കേറ്റു. ഇവർ സഞ്ചരിച്ച ഹെലികോപ്റ്റർ തെക്കൻ ചിലെയിലെ ലാഗോ റാങ്കോ നഗരത്തിൽ തകർന്നുവീഴുകയായിരുന്നു. ശതകോടീശ്വരനും വലതുപക്ഷ നേതാവുമായ പിനെറ 2010–14, 2018–22 വർഷങ്ങളിലായി 2 തവണ പ്രസിഡന്റായിരുന്നു.