ആ കുരുന്നു ദേഹത്തു 130 മുറിവുകളുമായി കുഞ്ഞു ഫിൻലേ യാത്രയായി. ഫിൻലേ ഈ ഭൂമിയിൽ ജീവിച്ചത് വെറും 10 മാസം. ജീവൻ നൽകിയ അച്ഛനും അമ്മയും ഫിൻലേയ്ക്കു നൽകിയ സമ്മാനങ്ങളായിരുന്നു ആ മുറിവുകൾ. ഫിൻലേ ബാക്കി വച്ച ചോദ്യങ്ങൾക്ക് ഉത്തരം തേടുകയാണ് ബ്രിട്ടനിപ്പോൾ. ഊട്ടുന്ന കൈകൾ കൊണ്ടുതന്നെ ഉദകക്രിയ നടത്തുന്ന സംഭവങ്ങൾ ദിവസേന നമ്മളെ തേടി വരുന്നു. ബ്രിട്ടനിലെ ഫിൻലേ ഈ ദുരന്തത്തിൽ ഒറ്റയ്ക്കല്ല. തൊടുപുഴയിൽ അമ്മയുടെ സുഹൃത്താണ് ആ കുഞ്ഞിന്റെ ജീവൻ എടുത്തത്. രണ്ടാനമ്മയുടെ പീഡനത്തിന്റെ രക്തസാക്ഷിയാണ് ഷെഫീഖ്. പാൽപുഞ്ചിരി വിടരുന്ന ആ കുരുന്നു മുഖങ്ങളിൽ പൊള്ളലേൽപ്പിക്കാൻ എങ്ങനെ കഴിയുന്നു. മിടിച്ചു തുടങ്ങാത്ത ആ കുരുന്നു ഹൃദയം തകർക്കാൻ നമുക്കെങ്ങനെ കഴിയുന്നു...