ഇൻഷുറൻസ് പദ്ധതിയിൽ അംഗമായാൽ പിന്നെ തൊഴിൽ നഷ്ടപ്പെട്ടാലും തൽക്കാലം പേടിക്കേണ്ട. അടുത്ത ജോലി കണ്ടെത്തുന്നതുവരെ നിശ്ചിത ശമ്പളം കുറച്ച് മാസത്തേക്ക് തൊഴിൽ നഷ്ടപ്പെട്ടവർക്ക് ലഭിക്കും. യുഎഇയിലെ സർക്കാർ, സ്വകാര്യ മേഖലയില്‍ പണിയെടുക്കുന്ന എല്ലാ തൊഴിലാളികൾക്കും ഇൻഷുറൻസ് പദ്ധതിയുടെ ആനുകൂല്യം ലഭിക്കും. ‌ദുബായ്, അബുദാബി, ഷാർജ, അജ്മാൻ, ഉമ്മുൽഖുവൈൻ, ഫുജൈറ, അൽഐൻ, റാസൽഖൈമ എന്നീ എമിറേറ്റുകളിൽ ജോലിയെടുക്കുന്നവരെല്ലാം ഈ പദ്ധതിയിൽ ചേരണം എന്നാണ് മന്ത്രാലയം ആവശ്യപ്പെട്ടിട്ടുള്ളത്.