ലോകകപ്പ് ക്രിക്കറ്റിലെ ഇന്ത്യുടെ നാലാം മൽസരം ഒടുവിൽ വിരാട് കോലിയും ബംഗ്ലാദേശും തമ്മിലുളള പോരായി മാറിപ്പോയി. ഇന്ത്യയുടെ ജയമാണോ കോലിയുടെ സെഞ്ചുറിയാണോ ആദ്യം സംഭവിക്കുക എന്നതു മാത്രമായിരുന്നു ക്രിക്കറ്റ് പ്രേമികളുടെ മനസ്സിൽ തിരതല്ലിയ ചോദ്യം. രണ്ടും ഒരുമിച്ചു സംഭവിച്ചപ്പോൾ പൂനെയിലെ മഹാരാഷ്ട്ര ക്രിക്കറ്റ് അസോസിയേഷൻ സ്റ്റേഡിയം അക്ഷരാർഥത്തിൽ ഇരമ്പി. തുടർച്ചയായ നാലാം വിജയത്തിലൂടെ ടീം ഇന്ത്യ പ്രതീക്ഷ കാക്കുന്ന മിന്നും പ്രകടനം തുടരുന്നു.