എറണാകുളം സ്വദേശി ഒരു വർഷം മുൻപ് ആപ്പിലൂടെ ലോണെടുത്തു. തുക അടച്ചെങ്കിലും വീണ്ടും പണം ആവശ്യപ്പെട്ട് ഭീഷണി സന്ദേശങ്ങളെത്തി. മകളുടെ വിവാഹം നിശ്ചയിച്ച സമയമായിരുന്നു. ലോണെടുത്ത സമയത്ത് ഫോണിലെ ഗ്യാലറിയിൽ പ്രവേശിക്കാൻ അനുമതി നൽകിയിരുന്നു. ഗ്യാലറിയിൽനിന്ന് മകളുടെ വിവാഹക്ഷണക്കത്ത് തട്ടിപ്പുകാർക്ക് ലഭിച്ചു. വരന്റെ വീട്ടുകാരുടെ ഫോൺ നമ്പരിൽ ബന്ധപ്പെട്ട് വധുവിനെക്കുറിച്ചും പിതാവിനെക്കുറിച്ചും മോശമായ കാര്യങ്ങള്‍ പ്രചരിപ്പിച്ചു.