മോര്‍ച്ചറിയിൽ ഒരുമിച്ചെത്തിയ 28 അജ്ഞാതർ, ജൂണിലെ അവരുടെ യാത്ര എന്തിനാവും? 42 മണിക്കൂറിനെ 4 മാസമാക്കിയ ദുരൂഹത

ഒഡീഷയില്‍ ജൂൺ 2ന് വൈകുന്നേരം ഏഴിനുണ്ടായ അപകടത്തിന് മണിക്കൂറുകൾക്ക് ശേഷം അതേ പാതയിലൂടെ തീവണ്ടികൾ ഓടിത്തുടങ്ങി. അപകടത്തിൽപ്പെട്ട കൊറമാണ്ഡൽ എക്സ്പ്രസും കൃത്യം അഞ്ച് ദിവസത്തിന് ശേഷം യാത്രയ്ക്കെത്തി. എന്നിട്ടും അപകടത്തിൽ ജീവൻ നഷ്ടമായ 28 പേർക്ക് അവർ യാത്ര പുറപ്പെട്ട ഇടത്തേക്കോ, ഇറങ്ങേണ്ടിയിരുന്ന ലക്ഷ്യസ്ഥാനത്തേക്കോ എത്താനായില്ല. എന്തുകൊണ്ടാവും അവരെ തിരക്കാൻ, കൂട്ടിക്കൊണ്ടുപോകാൻ ആരും വരാതിരുന്നത്..?